Խուզարկել են իրանցու բնակարանը եւ «Մետանֆետամին» թմրամիջոց հայտնաբերվել

Փետրվարի 23-ին, ժամը 19.30-ին, ոստիկանության կազմակերպված հանցավորության դեմ պայքարի գլխավոր վարչության ԹԱՇԴՊ վարչության, Երեւան քաղաքի վարչության, Մաշտոցի բաժնի եւ ՀՀ-ում ՌԴ սահմանապահ ջոկատի ծառայողները, մի քրեական գործի շրջանակներում, Երեւանի Խորենացու փողոցի թիվ 31 հասցեի մոտից, թմրանյութ պահելու կասկածանքով, «Մերսեդես» մակնիշի ավտոմեքենայով, բերման են ենթարկել օտարերկրյա քաղաքացի, 30-ամյա Մոհսեն Գ.-ին եւ 32-ամյա Արտուշ Ա.-ին:

Ոստիկանության մամուլի ծառայությունից հայտնում են, որ Մոհսեն Գ.-ի մոտ հայտնաբերվել է մոտ 124.30 գ «Մետանֆետամին» թմրամիջոցի նմանվող զանգված, իսկ վերջինիս բնակության վայրում նրա հետ համատեղ բնակվող Վահիդ Ա.-ն Մոհսեն Գ.-ի բաճկոնի գրպանից ներկայացրել է մոտ 130 գ կշռով «Մետանֆետամին» թմրամիջոցի նմանվող զանգված:

Աջափնյակ եւ Դավիթաշեն վարչական շրջանների ընդհանուր իրավասության դատարանի որոշմամբ՝ փետրվարի 25-ին, ժամը 12.15-ին, ոստիկանության ԿՀԴՊ ԳՎ ԹԱՇԴՊ վարչության եւ Երեւան քաղաքի վարչության ծառայողները խուզարկություն են կատարել Մոհսեն Գ-ի ժամանակավոր բնակության հյուրանոցային համալիրի սենյակում, որտեղ մահճակալի վրայից հայտնաբերվել է ծխախոտի տուփ, որի մեջ առկա է եղել ընդհանուրը 4.43 գ անձեռնոցիկի փաթեթ, իսկ փաթեթում` մոտ 2.73 գ «Մետանֆետամին» թմրամիջոցի նմանվող սպիտակ, բյուրեղանման զանգված:

Հայտնաբերվածն ուղարկվել է փորձաքննության:

Կատարվում է քննություն: