Տիգրան Համասյանը բացօթյա համերգ տվեց՝ հանուն Գյումրիում անօթևանության վերացման

Աշխարհի  հեղինակավոր   բեմերը նվաճած աշխարհահռչակ երաժիշտ Տիգրան Համասյանը նվագեց Գյումրիի լքված տնակային ավաններից մեկում:

Գյումրիում տնակներում բնակվող ընտանիքների խնդիրը բարձրաձայնելու յուրօրինակ ակցիային  միանալով՝ ծնունդով գյումրեցի դաշնակահարը համերգային ծրագրով հանդես եկավ  փետրվարիի 27-ին Գյումրու Մանուշյան փողոցի վերջնամասում՝ «Ֆանտաններ» կոչվող տնակային ավանի տնակներց մեկի առջև:  Տիգրան Համասյանն  այս նախաձեռնությամբ միացել է  գյումրեցի լուսանկարիչ Հայկ Բարսեղյանի ծրագրին:

«Երկրաշարժից 27 տարի անց Գյումրիում տնակներումբնակվողներ կան. մոտ 3000 ընտանիք  դեռ ապրում է վագոն-տնակներում: Իմ կողմից,  3 տարի անընդմեջ դեկտեմբերի 7-ինկազմակերպված «Ամոթի օր» կոչվող ցուցահանդեսներիժամանակ ներկայացվել է տնակներում ապրողների իրականկյանքը՝ փորձելով բոլորի ուշադրությունը սևեռել խնդրի վրա, իսկայս տարի, այդ ընտանիքներին օգնելու համար, միջազգայինդրամահավաք սկսեցինք: Տիգրանին խնդրեցի աջակցելու համարիրենից մի իր տրամադրել՝ աճուրդ կազմակերպելու և աճուրդիգումարը  ևս այս նպատակին փոխանցելու համար, սակայնՏիգրանի արձÕ �գանքն անսպասելի էր՝ համերգ՝ հենց այստեղ ուայս ձևաչափով: Մինչև մարտի 20 -ը 190 հազար դոլար հավաքելու դեպքում 13 ընտանիք բնակարանատեր կդառնա»,-նշեց ՀայկԲարսեղյանը:

Համերգի կազմակերպիչներն անօթեւանության խնդիրն ավելի տեսանելի դարձնելու համար ընտրել էին յուրօրինակ ձևաչափ՝ բացօթյա համերգի բոլոր մասնակիցները ոտքով էին հասել  այն տարածքը,  որտեղ տեղի ունեցավ համերգը. Գյումրեցին գիտի այս վիճակը, հյուրերն էլ իրականությունը տեսան:

Երբեք այդ տարածքն այդքան մարդաշատ չէր եղել: Տիգրան Համասյանին լսելու ու դրամահավաքին մասնակցելու նպատակով տարբեր երկրներից Գյումրի էին եկել Համասյանի երկրպագուները:

«Այս պահին զգացողությունը միակն է՝ պետք է լինեմ հավատարիմ ինքս ինձ, ու ինչ անում եմ, ի սրտե եմ անում: ՄանկությունսԳյումրիում է անցել ու մեծ ազդեցություն է թողել իմ վրա: Ես այստեղ եմ ծնվել երկրաշարժի տարիներին մինչև 1999 թվական այստեղ եմեղել, բայց իմ ծնողներն այնպես են արել, որ ես չզգամ այն, ինչ իրականում կա:Մարդիկ արդեն մոտ 30 տարի է՝ այս ժամանակավորկացարաններում են ապրում, ինչն ամոթ է ու պետք է արդեն ի վերջո տնակներից մարդիկ տուն տեղափոխվեն: Ես հուսով եմ, որ   այսնախաձեռնությունը հաջողությամբ կպասկվի ու 13 ընտանիք տուն կունենա: Ավելի լավ  է ուշ, քան երբեք»,-համերգից հետո անկեղծացավ Տիգրան Համասյանը:

Համերգի ավարտին  Գյումրու փոխքաղաքապետ Ռուբեն Սանոյանը ողջունեց նախաձեռնությունը՝ մաղթելով հաջող ընթացք: Քաղաքապետ Սամվել Բալասանյանի որոշմամբ՝ աշխարհահռչակ երաժիշտ Տիգրան Համասյանը պարգևատրվեց Գյումրու քաղաքապետի ոսկե մեդալով, որն էլ երաժշտին փոխանցեց փոխքաղաքապետը:

Արմենուհի Մխոյան