Հայաստանը լցվում է ռուսական արդեն տասնյակ հազարների հասնելու միտված զորքերով
ԲԼՈԳԵրջանիկ Աբգարյանը ֆեյսբուքյան իր էջում գրում է.
Վերջին ժամանակներս Հայաստանը լցվում է ռուսական արդեն տասնյակ հազարների հասնելու միտված զորքերով, նրանց ընտանիքներով եւ նրանց ծառայություններ մատուցողների բրիգադներով՝ նույնպես ընտանյոք հանդերձ:: Սա Հայաստանի բնակչության զանգվածային արտագաղթի պարագայում նշանակում է Հայաստանի ռուսականացման պուտինյան ծրագրի ավարտական փուլի սկիզբ: Նորանոր կնքվող եւ գաղտնի պահվող պայմանագրերով ռուսներն ու Սեռժիկը իր բանդայով հայերին գայթակղում են Ռուսաստանում արտոնյալ պայմաններով բնակարան եւ բարձր աշխատավարձով աշխատանքներ ստանալու ստահոդ խոստումներով:
Իրականում ռուսները հայերին հիմնականում ցրիվ են տալիս Ուրալի լեռնաշղթայից մինչեւ Կոլիմա եւ Կամչատկա ընկած սիբիրյան սառցարաններում, որտեղից իրենք՝ ռուսները փախչում են: Ռուսներն այսպես առանց մի կրակոցի զավթում են Հայաստանը: Արդեն ակնհայտ է, որ մի 10 տարի անց, երբ իրականանա Հայաստանի ամբողջական զավթումը ռուսների կողմից, Հայաստան բառը կվերանա միջազգային հանրության լեքսիկոնից, քանի որ նախկինում ,,Հայաստան,, կոչված այդ երկրում հայ մնացած չի լինի: Հայաստանի եւ Երեւանի անուններն էլ ըստ երեւույթին կփոխվեն եւ կդառնան Պուտինյան նահանգ եւ Պուտինոգրադ: Իհարկե սա այն պայմաններում՝ եթե մինչ այդ Պուտինը կենդանի մնա եւ Ռուսաստանն էլ քարուքանդ եղած չլինի: