Ահա թե ինչու է ձեր հեռախոսի մարտկոցն այդքան արագ նստում

Ծանոթ եւ տհաճ իրավիճակ է՝ շտապ պետք է ինչ-որ կարեւոր զանգ կատարեք, իսկ հեռախոսի մարտկոցը նստում է։ Դժվար չէ խուճապի մատնվել, հատկապես, որ մոտակայում այն լիցքավորելու հնարավորություն չկա։ Մասնագետները ներկայացրել են այն պատճառները, որոնց հետեւանքով բջջայինի մարտկոցը սկսում է շատ արագ նստել։

1. Միշտ լիցքավորում եք հեռախոսը մինչեւ 100%

Մասնագետներն ասում են՝ որպեսզի մարկոցը երկար աշխատի, պետք է դրա լիցքավորումը պահել 30%-ից մինչեւ 80%։ Փոխարենը կարող եք հեռախոսն օրվա մեջ մի քանի անգամ լիցքավորել՝ այդ տոկոսը պահպանելու համար։

2. Դուք թույլ եք տալիս հեռախոսին «մահանալ»

Ամեն անգամ, երբ հեռախոսի լիցքավորումն այնքան է սպառվում, որ այն անջատվում է, մարտկոցի հնարավորությունները գնալով նվազում են։ Մասնագետներն ասում են՝ ամիսը միայն մեկ անգամ է պետք լիցքավորումը հասցնել 0 տոկոսի, նոր լիցքավորել։

3. Դուք թողնում եք՝ մարտկոցը տաքանա

Սմարթֆոնների մարտկոցները չեն սիրում տաքանալ, մի թողեք շոգին մեքենայում կամ արեւի տակ, ոչ էլ ցրտին խոսեք հեռախոսով։ Միեւնույն ժամանակ, չի կարելի թույլ տալ նաեւ, որպեսզի մարտկոցը տաքանա լիքավորում ստանալիս։

4. Դուք ուրիշի լիցքավորման սարքն եք օգտագործում

Չի կարելի օգտագործել ոչ օրիգինալ լիցքավորման սարքեր, դրանք կործանում են մարտկոցը։ Ուրիշի լիցքավորման սարքն էլ մի օգտագործեք, եթե վստահ չեք, որ այն օրիգինալն է։

Պատրաստեց Past.am-ը: