Թեստ. Ո՞րն է տղամարդու քո՛ տեսակը

Shabat.am-ը գրում է.

Անվերջ տարակուսանքներ, ոչ մի կերպ չես կարողանում կողմնորոշվել, թե ինչպիսի տղամարդ է քեզ հարկավոր... Այս թեստը կօգնի ավելի լավ հասկանալ, թե ինչ ես ուզում և ինչ պետք է փնտրես:

1. Կա այնպիսի կարծրատիպ, որ տղամարդը պետք է տարիքով ավելի մեծ լինի. դա նշանակություն ունի՞ քեզ համար:

1. Այո

2. Այո, նա պետք է մեծ լինի տարիքով, բայց ոչ այնքան, որ սերունդների տարբերություն լինի:

3. Քեզ դուր է գալիս, երբ տղամարդը բավականաչափ մեծ է լինում կնոջից:

2. Քո սիրելին ֆուտբոլի մեծ սիրահար է, դու կկիսե՞ս նրա նախասիրությունը:

1. Ոչ

2. Երբեմն

3. Դու հաճույքով կիսում ես նրա բոլոր նախասիրությունները:

3.Դու պետք է կայացնես կարևոր որոշում, կխորհրդակցե՞ս զուգընկերոջդ հետ:

1. Միայն այն դեպքում, եթե դա վերաբերի մեզ երկուսիս:

2. Կարևոր պահերին դու միշտ կխորհրդակցես նրա հետ:

3. Դու սովոր ես կարևոր որոշումները միայնակ կայացնել:

4.Եթե որոշես բաժանվել նրանից, ինչպե՞ս դա կանես:

1. Առանց սկանդալի դժվար թե գործը գլուխ բերեմ:

2. Խաղաղ ձևով կբաժանվեմ:

3. Առանց արցունքների պարզապես անհնարին է:

5. Երբևէ սիրահարվել ե՞ս քո ուսուցչին կամ դասախոսին:

1. Այո

2. Այո, բայց դա ոչ թե սեր էր, այլ պարզապես հրապուրանք:

3. Ոչ

6. Ինչպե՞ս կնշես քո ծննդյան օրը, եթե լինի հոբելյան:

1. Երկուսի համար ընթրիք կկազմակերպեմ ռեստորանում:

2. Կհրավիրես քո բոլոր ընկերներին և մեծ խնջույք կկազմակերպես:

3. Նեղ շրջանակում կնշես:

7.Նշված մասնագիտության տեր մարդկանցից ո՞վ է քեզ մոտ ամենից շատ զգացումներ առաջացնում:

1. Ոստիկան

2. Դատավոր

3. Հարկային տեսուչ

Հաշվե´նք միավորները

1 2 3 4 5 6 7

1 1 1 2 1 3 3 2

2 2 2 3 2 2 2 3

3 3 3 1 3 1 1 1

(7-11 Միավոր)

Քեզ հարկավոր է այնպիսի տղամարդ, ում ամբողջ ուշադրությունը կգրավես միայն դու: Դու պարզապես չես հանդուրժի կողքիդ այնպիսի մեկին, ով պատրաստ չէ կամակորություններդ հանդուրժել կամ քո հոգսերը հոգալ: Սակայն, պետք չէ մոռանալ, որ տղամարդիկ էլ ունեն զգացմունքներ և պահանջներ... Ստանալով ուշադրություն և հոգատարություն՝ մի՛ մոռացիր նաև փոխհատուցել այդ ամենը: Հակառակ դեպքում մեծ է հավանականությունը հայտնվելու կոտրած տաշտակի առաջ:

(12-16 Միավոր)

Քեզ հետաքրքրում է մարդկային բնույթը: Դու փորձում ես հասկանալ և, ինչու՞ ոչ, նաև բացահայտել տղամարդկանց: Կարելի է ասել, որ դու մարդկանցից լավ ես գլուխ հանում: Դրա շնորհիվ շատ տղամարդկանց սրտեր ես գրավել: Իսկ ի՞նչ է քեզ պետք: Քո ուշադրությունը չի կարող գրավել դատարկագլուխ «կազանովան». նա պարզապես անհետաքրքիր կթվա: Քեզ հարկավոր է խելացի, բանիմաց, հետաքրքիր տղամարդ՝ ոչ ստանդարտ ապրելակերպով ու սովորություններով: Նա քեզ համար կդառնա անվերջ հետազոտությունների «օբյեկտ»: Եթե հանդիպես այդպիսի տղամարդու, ապա կարելի է շնորհավորել երկուսիդ էլ. հանուն նրա դու պատրաստ կլինես ամեն ինչի:

(17-21 Միավոր)

Քո իդեալը «սուպերմենն է», ով ունի լավ արտաքին, խելացի է, հումորով: Նա պարզապես կարդում է մտքերդ և իրագործում քո բոլոր երազանքները: Տարօրինակ չէ, որ դու նրան դեռ չես գտել, բայց համաձայն քո բնավորության՝ շարունակում ես իդեալիդ որոնումները: Չենք ասի, որ այդպիսի տղամարդիկ պարզապես գոյություն չունեն, որովհետև հոգու խորքում բոլորս էլ հավատում ենք նրանց գոյությանը: Սակայն, պետք է նաև մի փոքր իրատես լինել և հասկանալ, որ միգուցե երբևէ չհանդիպես նրան: Փորձի՛ր երկրորդ կեսիդ գտնել իրական, այլ ոչ թե երազների աշխարհում: