Փոփոխություններ են տեղի ունեցել Հայաստանի ֆուտբոլի Բարձրագույն և Առաջին խմբի առաջնությունների խաղացանկերում

 Մարտի 2-ին մեկնարկում են ֆուտբոլի Հայաստանի բարձրագույն  խմբի առաջնության  16-րդ տուրի 2-րդ հատվածի հանդիպումները: Մարտի 2-ին տեղի կունենան  « Ալաշկերտ»- «Գանձասար- Կապան» եւ «Փյունիկ»- «Բանանց» հանդիպումները:   Մարտի 3-ին տեղի կունենա «Միկա»- «Արարատ» հանդիպումը:  «Շիրակ»-ի մրցակիցն այս փուլում «Ուլիս»-ը պետք է լիներ, որը դադարեցրել է գործունեո ւթյունը: Հետեւաբար, «Շիրակ»-ի օգտին գրանցվել է հաղթանակ՝ 3-0 հաշվով:

 Ինչպես հաղորդում է «Արմենպրես»-ը, ՀՖՖ Մրցումների կազմակերպման և անցկացման բաժինը ՀՖՖ պաշտոնական կայքին տեղեկացրել է, որ Հայաստանի Բարձրագույն և Առաջին խմբերի առաջնությունների խաղացանկերում տեղի են ունեցել փոփոխություններ:

Մարտի 2-ից «Փյունիկ» թիմը բոլոր տնային հանդիպումները կանցկացնի Վազգեն Սարգսյանի անվան «Հանրապետական» մարզադաշտում:  Հայաստանի Բարձրագույն խմբի առաջնության 16-րդ տուրի «Փյունիկ»-«Բանանց» հանդիպումը կսկսվի ժամը 14:00-ին՝ ավելի վաղ հայտարարված 16:00-ի փոխարեն:

Հայաստանի Բարձրագույն խմբի առաջնության 16-րդ տուրի «Միկա»-«Արարատ» հանդիպումը կկայանա Աշտարակի «Քասախի մարզիկ» մարզադաշտում:

Մարտի 7-ին կմեկնարկեն Հայաստանի ֆուտբոլի առաջին խմբի  երկրորդ հատվածի  հանդիպումները: Մարտի 7-ին կհանդիպեն «Փյունիկ 2» -«Բանանց 2», «Ալաշկերտ 2»- «Գանձասար Կապան 2»  եւ «Միկա 2» - «Արարատ 2» թիմերը:  «Փյունիկ-2» թիմը բոլոր տնային հանդիպումները կանցկացնի ՀՖՖ Տեխնիկական կենտրոնի՝ Ֆուտբոլի ակադեմիայի մարզադաշտում: Բոլոր հանդիպումները սկիզբը 14:00-ին է:  Նշենք նաեւ, որ «Շիրակ  2»-ի հաշվին եւս գրանցվել է 3:0 հաշվով  հաղթանակ: Այս թիմը մրցակիցը «Ուլիս 2»-ը պետք էլիներ: