Գիտնականները պարզել են, թե որ երկրներում են մարդիկ առավել հաճախ համբուրվում

News.am-ը գրում է.

Նեւադայի համալսարանի գիտնականները Լաս Վեգասում 168 մշակույթների ներկայացուցիչների շրջանում հարցում են անցկացրել եւ պարզել, թե որքանով է նրանց մոտ ընդունված նուրբ զգացմունքները համբույրի միջոցով արտահայտել։ Գիտնականները փորձել են պարզել, թե նրանք համբույրը համարում են ռոմանտիկայի դրսեւորում, թե ոչ եւ ըստ այդմ՝ տարբերություններ գտնել մշակույթների միջեւ։

Ստացած տվյալները ցույց են տալիս, որ Երկրագնդի վրա ապրող մարդկանց կեսից ավելին, որոնք հարաբերությունների մեջ են հակառակ սեռի հետ, չեն համբուրվում, գգվանքներ եւ նուրբ ռոմանտիկ զգացմունքներ չեն դրսեւորում։ Հարցման մասնակիցներից միայն 46 տոկոսն է նուրբ զգացմունքներ դրսեւորում ռոմանտիկ իրավիճակներում։

Հյուսիսային Ամերիկայի 33 մշակույթներից 15-ի ներկայացուցիչների մոտ համբույրները գրեթե վերացել են հարաբերություններից, գրում է «Մոյա պլանետա»-ն։ Սիրո եւ քնքշության դրսեւորումները մարում են նաեւ Եվրոպայում. այնտեղ համբուրվում է զույգերի 70 տոկոսը։

Համբույրների ռեկորդակիրը Միջին Արեւելքի բնակիչներն են։ Հետազոտության տեղեկություններով՝ այնտեղ համբուրվում է սիրահարների 100 տոկոսը։

Ասիայում զույգերը նույնպես վառ են դրսեւորում իրենց. 27 երկրներից 10 երկրների ներկայացուցիչներ կարծում են, որ համբույրները օգնում են իրենց հարաբերություններին։

Ընդհանուր առմամբ ողջ աշխարհում նկատվում է համբուրվողների քանակի նվազում։