Վանո Սիրադեղյանը խաղում է մեր ֆիլմում, պարզապես դեռ իր մասնակցությամբ պաստառը չկա. Արման Նշանյան

Aysor.am-ը գրում է.

Շանթ հեռուստաընկերությունը վերջին օրերին լարված սպասման մեջ է պահում հեռուստադիտողին: Շուտով էկրաններին է հայտնվելու 24 մասից բաղկացած «Քարտ բլանշ» ֆիլմը, որում հնարավորություն ունենք հանդիպել հայկական ներկայիս կինոաշխարհի լավագույն դերասաններին:

Aysor.am-ը կապ հաստատեց այս օրերին Ամերիկայի Միացյալ Նահանգներում գտնվող դերասան, պրոդյուսեր, երգիչ  Արման Նշանյանի հետ՝ զրուցելով ոչ միայն սպասվող հեռուստաֆիլմի, այլև ներկայիս գործունեության և անձնական հարցերի շուրջ:

-Արման, օրեր անց Շանթ հեռուստաընկերությունը կմեկնարկի «Քարտ բլանշ» բազմասերիանոց ֆիլմը: Ինչպե՞ս է, որ Հայաստանում չեք:

-Մեր աշխատանքն այնպիսին է, որ մինչև մի գործը էկրանին է հայտնվում, դու արդեն հաջորդ գործիդ կեսին ես հասած լինում: Այժմ զբաղվածությունս այնքան շատ է, որ չեմ հասցնում վայելել իմ կատարած աշխատանքների վերջնական արդյունքները… Ամերիկա եկա, քանի որ ֆիլմի 25 տոկոսն այստեղ էր նկարահանվելու: Ավարտեցի, նկարահանած նյութերն ուղարկեցի Հայաստան, բայց քանի որ այստեղ իրականացնելու այլ նախագծեր էլ ունեի՝ ինքս մնացի:

-Եվ ի՞նչ նախագծերի մասին է խոսքը:

-Նախ, այստեղ կազմակերպում եմ մանկանան «Անուշ» օպերան, որը բեմադրվելու է Հայաստանից ժամանած Արմեն Տիգրանյանի անվան երաժշտական դպրոցի սաների մասնակցությամբ՝ ապրիլի 17-ին: Բարեգործական միջոցառում է, ստացված ամբողջ հասույթը հատկացվելու է հաշմանդամ երեխաներին: Այսինքն, երեխաները երգում են, որպեսզի օգնեն երեխաներին: Ասեմ, որ սա իրականանում է Հայ Առաքելական եկեղեցու Արևմտյան թեմի առաջնորդարանի գլխավորությամբ: Ես վաղուց կապ ունեմ նաև Արարատյան Հայրապետական թեմի առաջնորդարանի հետ:

Շարունակությունն այստեղ: