Blog.1in.am-ը գրում է.
Ճապոնացի դիզայներ Յուկիկո Մորիտան հացից պատրաստում է յուրահատուկ լուսամփոփներ, որոնք իրենց մեջ միավորում են սերը դեպի արվեստը և հաց թխելը:
Pampshade շարքը պատրաստված է նոր թխված հացից, որը ոչ միայն լուսավորում է սենյակը, այլև տարածում հիանալի բույր, որը ոչ մեկին անտարբեր չի թողնի: Տարբեր չափերի և ձևի լուսամփոփների համար հեղինակն օգտագործում է հացի տարբեր տեսակներ՝ սկսած կրուասաններից մինչև բագետներ: Լուսամփոփները շատ հեշտ են պատրաստվում. պարզապես հանվում է փափուկ մասը և տեղադրվում լույսը, մնում է միայն լույսը միացնել վարդակից: Որպեսզի հացը չբորբոսնի, այն նախօրոք ծածկվում է հատուկ պաշտպանիչ խեժով:
Յուկիկո Մորիտան իր յուրօրինակ նախագիծը ներկայացրել է Tokyo Designers Week 2014-ին: «Իմ աշխատանքը պատրաստված է ալյուրից, աղից, թթխմորից, լուսադիոդային ժապավենից, մարտկոցից և այլ գաղտնի բաղադրիչներից,- պատմել է դիզայները:- Ես սիրում եմ հացը և ցանկանում եմ հիանալ նրանով երկար ժամանակ»:
Սերը դեպի հացը աղջկա մոտ առաջացել է դեռևս 2006թ., երբ նա կես դրույքով աշխատում էր Տոկիոյի հացի արտադրամասերից մեկում: Այդ ժամանակվանից սկսած՝ նա երազել է միավորել հացը և դիզայնը, և Pampshades շարքը թույլ տվեց նրան իրականացնել երազանքը: Այսօր հացե լուսամփոփները կարելի է ձեռք բերել Տոկիոյի մի քանի խանութներում՝ 35-50 դոլարով:
