Ադրիանա Գալստյանը` Մարտայի կերպարի եւ Բեն Ավետիսյանի հետ սիրավեպի մասին

NEWS.am STYLE-ը գրում է.

«Ֆուլ Հաուս» հեռուստասերիալի Էլլային այլեւս չենք տեսնի սիթքոմի նոր եթերաշրջանում, սակայն նրան մարմնավորող Ադրիանա Գալստյանը շարունակում է փայլել հեռուստաէկրաներին: Այժմ Ադրիանան նկարահանվում է «Երանի» հեռուստասերիալում, որտեղ մարմնավորում է Մարտային` համառ աղջիկ, որը պատրաստ է ցանկացած քայլի դիմել իր սիրուն հասնելու համար: Դերասանուհու հետ զրուցեցինք իր կերպարի եւ իր անվան շուրջ պտտվող խոսակցությունների մասին:

-Ադրիանա, «Երանի» հեռուստասերիալում մարմնավորում ես Մարտային, որի մասին, հիկմնականում, բացասական կարծիքներ են հնչում. Ինչպիսի՞ն է քո կերպարը քեզ համար:

-Կյանքով լի, հումորով, առույգ Մարտան միշտ ստացել է այն, ինչ ցանկացել է: Հայաստան է ժամանել իր սիրո հետեւից եւ սերը, կարծես թե, կուրացրել է նրան: Այո, նրա մասին եղել են բացասական կարծիքներ եւ դա հենց այդպես էլ պետք է լիներ, քանի որ նա խիստ տարբերվում է մյուս հերոսուհուց` Անիից` թե իր կյանքով, թե բնավորությամբ եւ թե սիրո պայքարի համար նախձեռնած ծայրահեղ քայլերով:

-Մարտան ամեն գնով փորձում է նվաճել գլխավոր հերոսի` Արամի սիրտը: Ինքդ հերոսուհուդ քայլերին ինչպե՞ս ես վերաբերվում: Ինչ-որ կերպ արդարացնո՞ւմ ես նրան:

-Մարտան այնքան է սիրահարված, որ չի ճանաչում սահմաններ եւ ամեն ինչ անում է Արամի սիրտը կրկին նվաճելու համար: Նրանք, գրեթե, նշանված են եղել, ունեցել են սիրո փոքրիկ պատմություն: Ես եւ Մարտան շատ տարբեր ենք, բայց ես արդարացնում եմ նրան, որովհետեւ նա սիրում է, իսկ սիրող մարդը չի կարող վատը լինել:

-«Ֆուլ Հաուսի» Էլլան եւ «Երանիի» Մարտան տարբեր կերպարներ են. Ո՞ւմ է ավելի դժվար մարմնավորելը:

-Ինչ-որ չափով Էլլան եւ Մարտան ունեն նմանություն, բայց Էլլան խարդախ էր եւ նրան միայն փողն էր հետաքրքրում, իսկ Մարտային բացի իր սիրուց ոչինչ պետք չէ: Այս կերպարն ավելի դժվար է մարմնավորել, քանի որ դեռ շատ էմոցիաներ կան ցույց տալու. Բացի դա` ես չեմ ունեցել անփոխադարձ սեր, եւ դրանով էլ է կերպարիս մարմնավորելը դժվար ինձ համար:

-Մեր նախորդ հարցազրույցի ժամանակ նշեցիր, որ Էլլայի հետ ոչ մի նմանություն չունես: Իսկ ներկայիս հերոսուհուդ` Մարտայի հետ որեւէ ընդհանուր գծեր ունե՞ք:

-Մարտայի հետ չունեմ նմանություն: Երբեք չեմ դիմի նրա քայլերին: Անգամ անփոխադարձ սիրո դեպքում ես ինձ կստիպեի մոռանալ նրան: Տղան պետք է պայքարի աղջկա համար, ոչ թե հակառակը:

-Միմյանց հետ նկարահանվող դերասաններին հաճախ սիրավեպեր են վերագրում. Այդպես եղավ նաեւ քո եւ հեռուստասերիալում Արամին մարմնավորող Բեն Ավետիսյանի դեպքում: Ինչպե՞ս ես վերաբերվում նման խոսակցություններին:

-Ես եւ Բենը շատ մտերիմ ենք, արդեն երեք տարի է, ինչ ճանաչում ենք իրար: Անգամ նկարահանման հրապարակում միշտ միասին ենք եւ, բնականաբար, շատերի մտքին դա է գալիս: Բայց մենք, պարզապես, մոտ ընկերներ ենք:

-Իսկ, առհասարակ, ինչպիսի՞ն պետք է լինի տղամարդը, որ կարողանա գրավել քո ուշադրությունը:

-Պարզապես, թող չփորձի գրավել իմ ուշադրությունը:)