Նազենի Հովհաննիսյանին բանաստեղծություն են ձոնել
ԲԼՈԳԲանաստեղծ Ստեփան Բլեյանը ստեղծագործություն է ձոնել հայտնի հաղորդավարուհի Նազենի Հովհաննիսյանին, որն իր զարմուհին է։ Այսպես հայտնի բանաստեղծը շնորհավորել է Նազենիին Կանանց միջազգային օրվա առթիվ։
ՆԱԶԵՆԻ ՀՈՎՀԱՆՆԻՍՅԱՆԻՆ
Երբ եթերում ես` օրն է տոնական,
Օրն է խելացի, շքերթ կանացի:
Երբ դու բեմում ես` օրն է ծփանքի,
Օրն է հրճվանքի, ժամն է վայելքի:
Հանդես վարելիս մեղրածորվում ես,
Դափնեպսակն է քեզ սիրագուրում…
Հանգստյան օրը` ե՞րբ է դա լինում,
Օրն է բռնկման, մտքերի ցասման,
Պահը անցնում է`
Ե՞րբ պիտի լինի օրը բնական,
Այսօր քո տոնն է, դա՛ է իրական:
Ցանիր կրքերի փոշին խոհական.
Օ՜ խոհեմություն` մշտնջենական:
Ի դեպ, Նազենին արդեն Facebook-յան իր էջում գրել է իր շնորհակալական խոսքը.
«Դեռ փոքր էի, երբ քեռուս՝ Ստեփան Բլեյանի պոեզիան բացահայտում էր աշխարհը ինձ համար, վաղուց մեծացել եմ,, իսկ Ստեփանի բանաստեղծություններն ամեն անգամ Նոր աշխարհի ծնունդ են արդեն, ոչ թե լոկ բացահայտում ։)) Մարտիության լավագույն նվերն էր քեռ ջան, շնորհակա՜լ եմ»։