Հունական կարկանդակ կարտոֆիլով և բրնձով

Բաղադարություն

 

Խմոր

2 հ. ձու

կես թ.գ. աղ

6 ճ.գ. ձիթայուղ

2 բ. ալյուր

Լցոն

1 կգ կարտոֆիլ

1 բ. բրինձ

2 բ. յուղային կաթ

3 ճ.գ. ձիթայուղ

2 թ.գ. ընկույզ

կես թ.գ. անանուխ

աղ, պղպեղ

Պատրաստման եղանակ

1. 1 ձուն հարել աղի հետ, ավելացնել 3 ճ.գ. ձիթայուղ, այնուհետև ավելացնել ալյուրը և էլաստիկ խմոր ստանալ։ Գունդ պատրաստել, ծածկել և թողնել 15-20ր.։

2. Կարտոֆիլը մաքրել, եփել մոտ 20 ր.։ Բրինձը նույնպես եփել մոտ 7-10 ր. և լցնել քամիչի մեջ։

3. Կաթը տաքացնել, լցնել կարտոֆիլի վրա և պյուրե պատրաստել, ավելացնել բրինձը, ընկույզը, ձիթայուղը, անանուխը, աղը և պղպեղը, խառնել։

4. Ջեռոցի կլոր տապակի մեջ 2 ճ.գ. ձիթայուղ քսել։ Խմորը գրտնակով մեծ բացել, դնել կլոր տապակի մեջ այնպես, որ կողքերից կախվի։ Լցնել լցոնը, կողքերից փակել խմորը դեպի ներս։ Մյուս ձուն հարել 1 ճ.գ. յուղի հետ և քսել կարկանդակի վրա։

5. Ջեռոցը տաքացնել 180 աստիճան և թխել կարկանդակը մոտ 30-40 ր.։