Երևանում կփակցվեն արվեստի և սպորտի վաստակավոր գործիչների հիշատակը հավերժացնող հուշատախտակներ

Երևանում կփակցվեն երաժշտագետ Արշակ Ադամյանի և ֆիզկուլտուրայի ու սպորտի ականավոր գործիչ Էդուարդ Թումանյանի հիշատակը հավերժացնող հուշատախտակներ:«Արմենպրես»-ի փոխանցմամբ` որոշումը կայացրել է Երևանի ավագանին՝ հիմք ընդունելով ՀՀ կառավարության 1999 թվականի օգոստոսի 31-ի «Հայաստանի Հանրապետությունում պետական և հասարակական նշանավոր գործիչների ն նվիրված հուշարձանների իրականացման կարգը հաստատելու մասին» N 551   որոշմամբ հաստատված կարգի 2-րդ կետը:

Արշակ Ադամյանի հիշատակը հավերժացնող հուշատախտակը կփակցվի Մաշտոցի պողոտա, հ. 43 հասցեում, Էդուարդ Թումանյանինը` Մոսկովյան փողոց, հ.25 հասցեում:

ՀԽՍՀ արվեստի վաստակավոր գործիչ, երաժշտագետ Արշակ Ադամյանը ծնվել է 1884 թ. ապրիլի 22-ին Բաքվում: Աշակերտել է Քրիստափոր Կարա Մուրզային և Ռեժինսկուն: 1904-1906 թթ. դաշնամուրի և կոմպոզիցիայի դասեր է առել Բեռլինի Շտերնի կոնսերվատորիայում: 1910թ. ավարտել է Սանկտ Պետերբուրգի համալսարանի իրավագիտության ֆակուլտետը: 1921-1924 թթ. գլխավորել է Թբիլիսիի Հայարտունը (Հայ արվեստի տուն), իսկ 1924-1926 թթ. եղել է Երևանի կոնսերվատորիայի ռեկտորը և Հայաստանի պետական ֆիլհարմոնիկ նվագախմբի   գեղարվեստական ղեկավարն ու գլխավոր դիրիժորը: Նվագախմբի կանոնավոր գործունեությ ան շնորհիվ Հայաստանում տարածվել և արմատավորվել է սիմֆոնիկ երաժշտությունը: 1945թ. արժանացել է ՀԽՍՀ արվեստի վաստակավոր գործչի կոչման: Հրատարակվել են նրա «Բեթհովենը և հեղափոխությունը» (1927), «Միջնադարյան Հայաստանի գեղագիտական հայացքները» (Երևան, 1956), «Հոդվածներ արվեստի մասին» ռուսերեն աշխատությունները: Արշակ Ադամյանը մահացել է Երևանում 1956թ.: Երաժշտագետի հիշատակը հավերժացնող հուշատախտակը Մաշտոցի   պողոտա, հ. 43 հասցեում փակցնելու վերաբերյալ միջնորդություններ են ներկայացվել Երևանի Կոմիտասի անվան պետական կոնսերվատորիÕ �յի ռեկտոր Շ. Շահինյանի և ՀՀ ԳԱԱ   փիլիսոփայության, սոցիոլոգիայի և իրավունքի ինստիտուտի տնօրեն Գ. Պողոսյանի կողմից։  

ՀԽՍՀ վաստակավոր մարզիչ, ֆիզկուլտուրայի և սպորտի ականավոր գործիչ, Երևանի Վ. Բրյուսովի անվան պետական լեզվահասարակագիտական համալսարանի նախկին պրոռեկտոր Էդուարդ Թումանյանը ծնվել է 1929 թվականին։ 1953-1982 թթ. աշխատել է ԵՊԼՀ-ում՝  որպես ամբիոնի ավագ դասախոս, ամբիոնի վարիչ, կուսկոմիտեի քարտուղար և պրոռեկտոր: Էդուարդ Թումանյանը մեծ ներդրում է ունեցել Վ. Բրյուսովի անվան համալսարանի կառուցման գործում: Նրա մասնակցությամբ և ղեկավարությամբ կառուցվել է համալսարանի նոր մասնաշենքը (այժմ՝ Ռուս-հայկական (սլավոնական) համալսարան): Նրա նախաձեռնությամբ Ö ‡ անմիջական ղեկավարությամբ 1954թ. ստեղծվել է հանրապետությունում առաջին ուսանողական ինքնագործ սիմֆոնիկ-էստրադային նվագախումբը, որը հետագայում ստացավ համաժողովրդական ճանաչում, ինչպես նաև ճանաչելի դարձավ ԽՍՀՄ այլ քաղաքներում: Այդ ժամանակահատվածում առավել վառ կերպով բացահայտվեց Էդուարդ Թումանյանի երգահանական տաղանդը: Նրա գրչին են  պատկանում այնպիսի երգեր, ինչպիսիք են «Այլ աչեր», «Շշնջա», «Նաիրա», «Երիտասարդական-  լիրիկական» և շատ այլ ստեղծագործություններ, որոնք հանրապետությունում հայտնի են որպես  ժողովրդÕ �կան երգեր:   

Էդուարդ Թումանյանի ղեկավարության տարիներին Վ. Բրյուսովի անվան համալսարանի կանանց ձեռքի գնդակի թիմը բազմիցս դարձել է հանրապետության չեմպիոն: Էդուարդ Թումանյանն իր աշխատանքային գործունեության տարբեր   ժամանակահատվածներում աշխատել է հանրապետական սպորտկոմիտեի վարչության ղեկավարի, ՀԽՍՀ լուսավորության մինիստրության վարչության պետի, ԽՍՀՄ սպորտկոմիտեի  Ծաղկաձորի գլխավոր սպորտբազայի փոխտնօրենի պաշտոններում: 1969 թ. նա արժանացել է ՀԽՍՀ վաստակավոր մարզչի կոչմանը:  

ՀԽՍՀ վաստակավոր մարզիչ Էդուարդ Թումանյանի հիշատակը հավերժացնող   հուշատախտակը Մոսկովյան փողոց, հ.25 հասցեում փակցնելու վերաբերյալ միջնորդություններ են ներկայացվել Հայ Առաքելական Եկեղեցու Արցախի թեմի առաջնորդ, Երևանի Վ. Բրյուսովի անվան   պետական լեզվահասարակագիտական համալսարանի շրջանավարտների միավորման նախագահ Պարգև արքեպսիկոպոս Մարտիրոսյանի և Գեղագիտության ազգային կենտրոնի գլխավոր տնօրեն Լ. Իգիթյանի կողմից։