Արտաշես Գեղամյանը ՀԱՊԿ երկրների պատվիրակներին հիշեցրել է Սիրիայում Թուրքիայի վտանգավոր դերակատարման մասին

 ՀՀ ԱԺ պատգամավոր, ԵԱՀԿ խորհրդարանական վեհաժողովում հայկական պատվիրակության ղեկավար Արտաշես Գեղամյանը ՀԱՊԿ անդամ երկրների ուշադրությունն է հրավիրել Սիրիայի հակամարտության մեջ Թուրքիայի վտանգավոր ներգրավվածությանը: Ինչպես հաղորդում է «Արմենպրես»-ը, այդ մասին պատգամավորը խոսել է  մարտի 11-ին ԵԱՀԿ ԽՎ-ում ՀԱՊԿ անդամ երկրների խորհրդարանական պատվիրակությունների՝ Ô �րևանում կայացած աշխատանքային հանդիպման ընթացքում:

Իր ելույթում, մասնավորապես, Արտաշես Գեղամյանը հիշեցրել է, որ դեռևս փետրվարի 25-ին կայացած ԵԱՀԿ ԽՎ Մշտական կոմիտեի նիստի բացմանը խորհրդարանական վեհաժողովում ներկայացված բոլոր պատվիրակությունների ղեկավարներին հանձնել է Թուրքիայի ղեկավարության հակասիրիական գործողությունները խստորեն դատապարտող գիրքը: Ըստ Արտաշես Գեղամյանի՝ գրքում սուր քննադատության է ենթարկվում Թուրքիայի կողմից 2015 թ. նոյեմբերին ռուսական «Սու-24» ռմբակոծիչի կործանումը, ներկայացված է Սիրիայում թուրքական քաղաքականության վտանգավորությունը, վավերագրական փաստերÕ �վ վերհանված է «Իսլամական պետություն» ու «Ջաբհաթ ան-Նուսրա» ահաբեկչական խմբավորումներին թուրքական ֆինանսական աջակցությունը: Նա հիշեցրել է, որ գրքի հիմքում ընկած հոդվածները հրապարակված են «Արմենպրես» լրատվական գործակալության կայքում:

Ըստ Արտաշես Գեղամյանի՝ ուշագրավ է, որ այդ նիստի ընթացքում թուրքական իշխանություններին ուղղված խիստ քննադատությանը, որն արտացոլված է գրքում, փաստացի երկու պատվիրակ արձագանքեց: Նրանցից մեկը՝ ԵՄ անդամ երկրներից մեկի ներկայացուցիչը, ի լուր ամենքի հայտարարել է, թե դեպի Եվրամիության երկրներ փախստականների հոսքի պայմաններում Թուրքիայի հասցեին ուղղված նման մեղադրանքները շատ լուրջ են և հետագա ուսումնասիրում են պահանջում: Իսկ մյուսը՝ ադրբեջանական պատվիրակության ղեկավարը նշել է, թե Թուրքիային ուղղված քննադատություններն արվում են նրա պատվÕ �րակության բացակայության պայմաններում: «Չգիտես ինչու, ադրբեջանցի մեր գործընկերները քար լռություն պահպանեցին, երբ ԵԱՀԿ ԽՎ հելսինկյան նիստում Ռուսաստանի պատվիրակության բացակայությամբ ՌԴ-ն հախուռն քննադատության ենթարկվեց»,- ասել է հայկական պատվիրակության ղեկավարը:

Նա անդրադարձել է նաև Սիրիայում ռազմական գործողությունների դադարեցման մասին փետրվարի 22-ին հաստատված ռուս-ամերիկյան համատեղ հայտարարությանը՝ այն համարելով որպես ռուսական դիվանագիտության անվիճելի հաջողություն: «Այն անկասկած կարելի է ներկայացնել որպես Մեծ Մերձավոր Արևելքում ու թերևս աշխարհում աղետի կանխման ուղղությամբ հերթական ճակատագրական ճեղքում»,- նշել է Արտաշես Գեղամյանը: Նա հավելել է, որ նկատի ունի Սիրիայում քիմիական զենքի ոչնչացման գործընթացի ժամանակ՝ 2013 թ.  սեպտեմբերի 5-ին, G20-ի գագաթնաժողովում ՌԴ նախագահ Վլադիմիր ՊոÖ �տինի առաջարկը ԱՄՆ նախագահին՝ Սիրիայի քիմիական զենքի պաշարները դնելու միջազգային վերահսկողության տակ, որից հետո, ըստ պատգամավորի, Ռուսաստանը փաստացի իր վրա վերցրեց այդ գործընթացի ողջ պատասխանատվությունը և պատվով ավարտեց այն 2014 թ. հոկտեմբերին: «Սակայն Նոբելյան մրցանակը ստացավ ոչ թե Պուտինը, այլ ՄԱԿ-ի ստորաբաժանումներից մեկը, որը միայն տեխնիկական գործառույթներ է կատարել այդ գործընթացում»,- նշել է Արտաշես Գեղամյանը: