Բռնաբարությունից մինչեւ մանկական ճամբար. 6 անգամ դատապարտվածը կազմակերպում է երեխաների հանգիստը

ՀԱՍԱՐԱԿՈՒԹՅՈՒՆ 21 Հուլիս, 2015 9:45

«Իրավունք» թերթը գրում է. «Օրերս «Իրավունքը» ահազանգ ստացավ Հանքավանի «Մարմարիկ» հանգստյան տան տնօրինության կողմից, ըստ որի՝ հուլիսի 8-ինհանգստյան տուն են դիմել «Հուսո առագաստ» բարեգործական հիմնադրամի ներկայացուցիչները եւ պայմանավորվածություն են ձեռք բերել, որ իրենց իրենց հիմնադրամի 89 երեխաները 15 օր իրենց հանգիստն անցկացնեն «Մարմարիկում»:

Ամեն ինչ նորմալ կլիներ, եթե հաշվի չառնենք, որ հիմնադրամի տնօրենն է նախկին դատապարտյալ Գեւորգ Կոշկերյանը, ով վեչջին բանտարկությունից դուրս գալուց հետո՝ 2005-ին որոշում է ստեղծել կալանավայրերից վերադարձածների եւ նրանց ընտանիքների օգնության «Հուսո առագաստ» ՀԿ-ն:

Բռնաբարությունից մինչեւ մանկական ճամբար

Կոշկերյանը 17 տարի անցկացրել է վանդակաճաղերից այն կողմ՝ խմբակային բռնաբարության, սպանության մասնակցության համար եւ այլն. 6 պատժաժամկետ: Նա, ի դեպ, ժամանակին Մանկավարժական ինստիտուտի Կուլտուրայի բաժնի ուսանող է եղել եւ իր անցյալի ու բարեգործական ներկայի մասին լրատվամիջոցներից մեկի հետ զրույցում ասել է. «Չորրորդ կուրսի ուսանող էի, չհասկացանք՝ բռնաբարություն խմբակային, զուգորդված սպանությամբ: Կյանք է, չեմ արդարանում, բայց խորտակվեցի... Հիմա ուզում եմ օգնեմ էն երեխեքին, որոնք կանգնած են հանցագործության շեմին»:

Առավել մանրամասն՝ թերթի այսօրվա համարում