Ճարպակալման 6 ձևերն ու դրանցից յուրաքանչյուրի դեմ պայքարելու ամենաարդյունավետ եղանակները

Shabat.am-ը գրում է.

Դուք երբևիցե մտածե՞լ եք այն մասին, թե ինչու ձեզ չի հաջողվում նիհարել անգամ այն ժամանակ, երբ դուք ֆիզիկական վարժանքներ եք անում ու խիստ սննդակարգով սնվում:

Հավանաբար ձեզ մոտ ոչինչ չի ստացվում, որովհետև դուք անհրաժեշտ ջանքեր չեք գործադրում:

Խնդիրն այն է, որ բոլոր պատասխանները թաքնված են ճարպակալման այն ձևի մեջ, որն առկա է ձեզ մոտ: Նիհարելու արյունավետ ռազմավարության ընտրությունը կախված է նրանից, թե Ձեր մարմնի կոնկտետ որ մասում է կուտակվում ճարպը:

1. Գերսնուցման ճարպակալություն

Գերսնուցումն ավելորդ քաշի հանգեցնող գլխավոր պատճառներից մեկն է աշխարհում: Եթե ճարպը հավասարաչափ սկսում է կուտակվել Ձեր մարմնի տարբեր մասերում, նշանակում է՝ Դուք շատ շաքար եք օգտագործում ու առհասարակ շատ եք ուտում:

Ձեզ, իհարկե, կարող է թվալ, որ խնդիրը դրանում չէ, որովհետև գործընկերները կամ էլ ընտանիքի անդամներն ավելի շատ են ուտում, բայց քաշ չեն հավաքում: Ի՞նչ կարելի է ասել նման դեպքում: Թերևս այն, որ, ամենայն հավանականությամբ, Դուք թերագնահատում եք Ձեր կլանած սննդի ծավալները և գերագնահատում դիմացինինը:

Մի խոսքով, եթե Ձեզ մոտ հենց այս խնդիրները կան, ապա Ձեզ պետք է երեք պարզ կանոն հիշել.

1. Սնունդ ընդունելուց կես ժամ առաջ կես լիտր մաքուր ջուր խմեք: Դա կօգնի Ձեզ ավելի քիչ ուտել ճաշի և ընթրիքի ժամանակ:

2. Սկսեք սուրճն ու թեյն առանց շաքարի խմել (շուտով կսովորեք, ու Ձեզ նույնիսկ կսկսի դուր գալ): Դե իսկ քաղցրավենիքից փորձեք գոնե մի որոշ ժամանակով հրաժարվել:

3. Օրական գոնե 30 րոպե տրամադրեք չափավոր ֆիզիկական վարժանքներին:

2. «Նյարդային փորիկ»

Եթե Ձեզ մոտ ճարպը կուտակվում է բացառապես որովայնի շրջանում, ապա դրա պատճառը կամ դեպրեսիան է, կամ էլ սթրեսն ու տագնապի զգացումը, որի հետ ստիպված եք ապրել: «Նյարդային փորիկից» տառապող մարդիկ շատ են ուտում քաղցրավենիք, որպեսզի ճնշեն սթրեսը: Եթե Դուք չնյարդայնանալու այլ տարբերակ գտնեք, ապա կտրուկ կնվազեցնեք քաղցրավենիքի քանակը, ինչը թույլ կտա Ձեզ ձերբազատվել ավելորդ ճարպերից:

3. Կոնքազդրային շրջանի ճարպակալում

Մարդիկ, ում մոտ ճարպը կոտակվում է կոնքազդրային շրջանում, հանդիսանում են հորմոնալ դիսբալանսի ու մենոպաուզայի զոհեր: Նմանատիպ ճարպակալման դեմ պայքարելու համար պետք է խուսափել խմելուց ու ծխելուց, ինչպես նաև պետք է ավելի քիչ նստել ու ավելի շատ շարժվել: Ձեզ պետք է «վերագործարկել» Ձեր մետաբոլիզմը, այլապես ստիպված կլինեք ողջ կյանքի ընթացքում հոգոցներ հանել ու հառաչել ամեն անգամ, երբ կանգնեք կշեռքին:

4. Աթերոգեն մետաբոլիկական անհավասարակշռություն

Ճարպակալման այս տիպն ունեցող մարդիկ ճարպակալում են կոնկրետ փորի հատվածում ու ունենում են խնդիրներ շնչառության հետ: Նախևառաջ պետք է դադարեք ալկոհոլ օգտագործելը, իսկ հետո ամեն ինչ արդեն ավանդական ցուցակի համաձայն է. առավոտյան մարզանք, շաբաթական 1-2 այցելություն մարզասրահ, նոր սննդակարգ, որը ենթադրում է ավելի շատ բուսական ծագման սնունդ և ավելի քիչ կենդանական ծագման սնունդ։

5. Երակային ուղիների ճարպակալում

Համարվում է, որ ճարպակալման այս տիպը փոխանցվում է ժառանգաբար: Ճարպը, որը կուտակված է ոտքերում, չի հանդիսանում սխալ կենսակերպ վարելու հետևանք: Ամեն ինչ ավելի վատ է:

Նման ճարպակալում ունեցող կանայք պարբերաբար պայքարում են այտուցված ոտքերի դեմ: Այս խնդիրը հատկապես հղիության ժամանակ է սրվում:

Այս ճարպակալման առկայության դեպքում պետք է ավելի շատ վազել ու չօգտվել վերելակներից: Ձեր ոտքերը պետք է անընդհատ ծանրաբեռնված լինեն:

6. Ճարպակալում անգործությունից

Ճարպակալման այս տիպը հատուկ է այն մարդկանց, ովքեր նախկինում ֆիզիկապես շատ ակտիվ են եղել, օրինակ՝ նախկին մարզիկներին ու ծանր ֆիզիկական աշխատանքով զբաղված մարդկանց: Իսկ հիմա նրանք այլևս ակտիվ չեն, նստած են գրասենյակներում կամ էլ մեքենաների մեջ, ու արդյունքում նրանց մոտ հսկայական փոր է առաջանում:

Որպեսզի ձերբազատվեք այս խնդրից, պետք է խուսափեք սոված մնալուց: Ավելի հաճախ սնվեք, շատ ավելի հաճախ, քան օրական 1-2 անգամը: Ամենայն լրջությամբ ընդունեք սա, որովհետև դա կօգնի ձերբազատվել երեկոյան քրոնիկական գերսնուցումից:

Վազել Դուք դժվար թե սկսեք, ուստի ստիպված եք լինելու էապես փոփոխել Ձեր կերակրացանկը, ուտել ավելի հաճախ, բայց ավելի քիչ, ավելի շատ բանջարեղեն ու ավելի քիչ մակարոնեղեն, ավելի շատ մրգեր ու ավելի քիչ պոնչիկներ: