Խորհրդավոր պատմություններ՝ կապված տարբեր երկրների ու ժամանակների միապետերի երեխաների հետ

Համաշխարհային պատմության մեջ բազմաթիվ են խորհրդավոր պատմությունները, որոնք կապված են միապետերի երեխաների հետ,-հայտնում է Past.am-ը: Որոշ գաղտնիքներ այդպես էլ կմնան չբացահայտված:

1. Մարիա-Անտուանետայի անհետ կորած որդին

Մոտ 200 տարի ոչ ոք չէր կարող ասել, թե ինչ է տեղի ունեցել Ֆրանսիայի թագուհի Մարիա-Անտուանետայի որդու հետ: Չթագադրված արքա էր հայտարարվել 8-ամյա Լուի XVII-ը: Ֆրանսիական հեղափոխության ժամանակ նրա ծնողներին մահապատժի ենթարկեցին, իսկ տղային գցեցին բանտ: 2 տարի անց, լեգենդի համաձայն, նրան բանտից փախցրել են՝ նրա տեղը թողնելով մեռած մեկ այլ երեխայի:

2000 թվականին անցկացվել էր ԴՆԹ թեսթ` բանտում մահացած երեխայի պահպանված սրտի օգնությամբ: ԴՆԹ-ն համընկել էր Մարիա-Անտուանետայի մազերի հյուսքից ստացված նյութի հետ: Դա ապացուցում էր, որ փոքրիկը եղել է հենց Լուին: Փոքրիկը մահացել է բանտում տուբերկուլյոզի պատճառով:

2. Փարավոնի առաջնեկը

Որոշ պատմաբաններ հայտարարում են, որ հաջողվել են պարզել փարավոնի գահաժառանգի անունը, որը մահացել էր բիբլիական ժանտախտի ժամանակ՝ Ամոնհերհեպեշեֆ: ԴՆԹ թեսթավորում հնարավոր չէ, քանի որ հյուսվածքները քայքայված են:

3. Պավել 1-ին

Ռուս կայսրուհի Եկատերինա Մեծը1754 թ. ծննդաբերել էր տղայի, ում անվանել էին Պավել: Եկատերինայի ամուսնուն՝ Պյոտր 3-րդին ավելի հետաքրքիր էին խաղալիք զինվորներն ու սիրուհին, այդ պատճառով էլ շատերը ենթադրում են, որ երեխան եղել է անօրինական ու հայրը Սերգեյ Սալտիկովն է՝ թագուհու սիրեկանը:

Երիտասարդ Պավելի ծնողները միմյանց ատում էին, ու նա 8 տարեկան էր, երբ թունավորեցին հորը: Պավելը վստահ էր, որ նրան թունավորել է մայրը: Եկատերինան վստահ էր, որ իր որդին վատ թագավոր կլինի ու ցանկանում էր գահին տեսնել իր թոռանը՝ Ալեքսանդրին: Սակայն նա կաթված ստացավ, ու Պավելը ժառանգեց գահը: Նա 4,5 տարի անց սպանվեց դավադրության ժամանակ, որին, ինչպես ենթադրում են, մասնակցել է նրա որդի Ալեքսանդրը:

4. Արքայազն Արթուր

1486 թվականին անգլիացի արքայազնին անվանեցին ի պատիվ Կամելոտի լեգենդար արքա Արթուրի: Երբ Ուելսի արքայազն Արթուրը 15 տարեկան էր, նրան ամուսնացրին Եկատերինա Արագոնացու՝ իսպանացի միապետներ Իզաբելլայի ու Ֆերդինանդի դստեր հետ: Միությունը երկար կյանք չունեցավ: Հարսանիքից 5 ամիս անց արքայազնը անհայտ պատճառներով մահացավ: Նրա այրին ամուսնացավ Արթուրի փոքր եղբոր հետ, որը արդյունքում դարձավ Հենրի 8-րդը:

5. Մենելիկ

Մենելիկը Սողոմոն արքայի որդին էր: Եթե հավատանք եթովպացիներին, ապա հենց նա է հուդայականությունը բերել իր ժողովրդին: Այսքան տարիներ անց էլ հնարավորություն չկա պարզելու՝ արդյոք եղել է իրականում այդ եթովպացի արքան:

6. Վիկտորյայի գաղտնի թոռը

Չնայած այն բանին, որ դա երբեք չի ապացուցվել, համառ լուրեր են պտտվում Վիկտորյա թագուհու դուստրերից մեկի՝ արքայադուստր Լուիզայի շուրջ:

Պատմական գրությունները Լուիզային նկարագրում են որպես գեղեցիկ, ապստամբ հոգու տեր ու սիրառատ մի անձնավորություն: Կենսագիր Լյուսինդա Հոքսլին կարծում է, որ արքայադուստրը ունեցել է ապօրինի որդի իր ծառաներից մեկից՝ Ուոլթեր Սթիրլինգից: Երեխայի անունը, իբր եղել է Հենրի, երեխան ծնվել է, երբ մայրը դեռ դեռահաս էր: Տղային որդեգրել է Վիկտորյա թագուհու գինեկոլոգ Ֆրեդերիկ Լոքոքը:

7. Թագավորական երեխաների տուն

19-րդ դարի կեսին շոտլանդացի եգիպտաբան Հենրի Ռինդը պեղումներ էր կատարում Ֆիվախում, երբ հայտնաբերեց եգիպտացի արքայադուստրերի զանգվածային գերեզմանոց: Նրանց մասին գրեթե ոչինչ հայտնի չէ, այդ պատճառով գիտնականները նրանց տվեցին հավաքական « Թագավորական երեխաների տուն» անվանումը:

Փաստ է, որ այդտեղ թաղված են թագավորական արյան աղջիկներ: Անուններից շատերը, որ գրված են դամբարանում, հայտնի են, օրինակ՝ Ամենհոտեպ արքայի քույրը Տիաան: Գիտնականները չգիտեն, թե ինչու են մահացել այդքան շատ արքայադուստրեր ընդամենը 1 փարավոնի կառավարման տարիներին: