Ի՞նչ է պարտավոր տղամարդը կամ ինչպիսին կարող են լինել կանացի ցանկությունները

1. Տղամարդը պարտավոր է չլռել, եթե սիրելի կինը համեղ ուտելիք է մատուցել եւ լուռ ուտել, եթե ուտելիքը համեղ չէ: Կատակ է իհարկե: 

2. Պետք չէ լոգասենյակի դուռը թակել, երբ կինը ներսում է: Ժամանակը կգա, դուրս կգա: 

3. Կանացի ցանկությունները երբեմն մանրուքների են հանգում, օրինակ` ինչ-որ մեկը մեր փոխարեն լվա սպասքը: Եվ պետք չէ ձեւացնել, թե լվացարանում սպասքի բլուրը հարեւանների մեղքով է գոյացել: 

4. Եթե տղամարդը կարողանում է միս եփել, իսկ գուցեեւ` ոչ միայն միս, ուրեմն այդ տղամարդը սքանչելի է: 

5. Երեխաների հետ շփվել կարողանալը, նրանց հանգստացնելը եւ զբաղեցնելը անգին հատկանիշ է: 

6. Պարերը եւս մի կետ են տղամարդու կարողությունների ցուցակում: Գոնե մի քիչ: 

7. Իսկական տղամարդը կարողանում է պաշտպանել իրեն, իր կնոջը եւ պաշտպանել թույլին: 

8. Կանացի ցանկությունների երկար ցուցակը ներառում է նաեւ այնպիսի պարտադիր կետ, ինչպիսին ճիշտ պատասխանն է այն հարցին, թե հագուստի տարբերակներից որն է ավելի համապատասխանում երեկոյին: Ուշադիր հետեւեք կնոջ դիմախաղին, նա կհուշի: 

9. Տղամարդը պիտի իմանա, թե երբ դադարեցնի գոռալը եւ ուղղակի գրկի իր հիմարիկին: 

10. Անհրաժեշտության դեպքում կողքին լինելն իսկական տղամարդկանց հատկանիշն է: 

11. Խողովակի վնասման դեպքում ջրի անջատման տեղն իմանալը, ինչպես նաեւ լույսը միացնելը, եթե խնդիրներ են առաջանում խցանների հետ, բացառապես տղամարդկային գործ է: 

12. Ի՞նչ պիտի անի տղամարդը: Իհարկե պարզի հարցերը հարեւանի հետ, որը հայտարարել է, թե ես եմ քերծել իր մեքենան: Իհարկե ես չեմ:  

13. Տղամարդը միշտ հիշում է, որ երբ կինը բարձրակրունկով է, անհրաժեշտ է դանդաղ  տեղաշարժվել` նրան թույլ տալով բռնել ուղեկցի թեւը: 

14. Երբ սիրելի կինը ղեկին է, պետք չէ բղավել: Ի վերջո, ոչ մի սարսափելի բան չի լինի: 

15. Եթե տղամարդը կարողանում է սիրելի կնոջ համար ինքնուրույն այնպիսի զարդեր  ընտրել, որոնք նրան դուր են գալիս, նա իդեալական է:  

16. Խելագար օրգազմի հասցնելը տղամարդու անմիջական պարտականությունն է: Եվ պետք չէ ուշադրություն դարձնել, որ այս կետը  16-րդ տեղում է: Իրականում դա շատ կարեւոր է: 

17. Քնի մեջ պետք է այնպես գրկել, որ հարմար լինի, բայց ոչ շոգ, հետո էլ, որ ծածկոցը երկուսին էլ հերիքի: Պետք չէ բողոքել, որ մազերը բերանն են մտնում, եւ ոչ մի խռմփոց: 

18. Փող է վաստակում ընտանիքի համար եւ դրանք ուրախությամբ ծախսում է սիրելի կնոջ եւ երեխաների համար. երազանք է, ոչ թե տղամարդ: 

19. Կանացի ցանկությունների ցուցակի եւս մի պարտադիր պատվիրան ասում է` սիրելի կնոջդ նայիր այնպես, որ նրա թիկունքը փշաքաղվի, ինչպես նաեւ քո անուշադրությամբ ստամոքսում թիթեռնիկներ մի սպանիր: 

20. Մի ամաչեք արտահայտել ձեր զգացմունքները, թանկագին տղամարդիկ: Կորչի զսպվածությունը:

21. Տղամարդու մարմնի ամենասեքսուալ մասը խելքն է, ուղեղը, ինտելեկտը, մի խոսքով` այն ամենը, ինչ կապված է իմաստնության հետ: Հետո էլ` հումորի նուրբ զգացումը եւ տեղին հեգնանքը: 

22. Այնուամենայնիվ մի նրբերանգ արժե հաշվի առնել: Դա կայանում է նրանում, որ տղամարդը պիտի կնոջից ավելի իմաստուն լինի կնոջ համար ոչ վիրավորական եղանակով: 

23. Կյանքում գլխավոր կինը մեկը պետք է լինի: Կյանքում գլխավոր նպատակը եւս մեկը պիտի լինի. այդ կնոջը երջանիկ դարձնել: 

24. Կնոջից շուտ չհարբելը եւ նրան  ողջ եւ անվնաս տուն հասցնելը եւս գրի ենք առնում կանացի ցանկությունների ցանկում:

25. Երբեք չհանդիմանել կնոջը եւ չասել. «Ասում էի, չէ»:

26. Տղամարդը պիտի կարողանա քնից առաջ հեքիաթներ հորինել: Ի՞նչ երեխաներ: Իհարկե սիրելի կնոջ համար: 

27. Սեղանի առաջ ինքդ քեզ պահելու եւ խնամքով ուտելու կարողությունը արվեստ է, որին պետք է կատարելությամբ տիրապետել: 

28. Կանացի ցանկությունները դրանով չեն ավարտվում: Եվ այդ ցանկություններից մեկը ծնկները դողալու աստիճան համբուրվելն է: Իմիջիայլոց, հենց առաջին համբույրից են աղջիկները տղամարդու մասին դատում որպես սիրեկանի:    

29. Միասին հիմարանալ, բարձերով կռվել կամ էլ իրար հետեւից վազել բնակարանում. դա ոչ մի վատ բան չի նշանակում: Մանկության մեջ ընկնելը նույնպիսի անհրաժեշտություն է, ինչպես քաղցրեղենը: 

30. Բացի այդ, տղամարդու կարողությունների ցուցակը առաջվա նման պիտի  այնպիսի կետեր ներառի, ինչպիսիք են տունը, ծառը եւ երեխան: 

31. Սիրելի կնոջն անձնական տարածք եւ ինքնազարգացման հնարավորություն թողնել: 

32. Խանդել կամ չխանդել` իրավիճակից կախված: Իրավիճակը ճանաչել ինքնուրույն: 

33. Իսկական տղամարդուց պարտադիր լավ հոտ է գալիս: 

34. Սովորել հասկանալ նուրբ ակնարկները եւ ներողամտորեն վերաբերվել կամակորություններին:  Ենթագիտակցության մակարդակում զգալ ՆԴՀ-ի մոտենալը եւ աջակցել կնոջն այդ բարդ ժամանակահատվածում:

35. Եթե տղամարդը կարող է վերբեռնել «Windows»-ը եւ գիտե, թե ինչու է լռվել մեքենան, նա ոչ միայն իդեալական է, այլեւ սուպերիդեալական: 

36. Սիրելի կնոջ հետ կիսել շոփինգի բոլոր բարդությունները եւ ուրախությունները, իսկ հետո պաղպաղակ գնել: Ահա թե ինչ է պարտավոր տղամարդը:    

37. Ոչ սովորական հաճոյախոսություններ հորինել: 

38. Հեռակառավարման վահանակը, գուլպաները, բանալիները, ճարմանդները եւ այլ մանրուքներն առանց սիրած աղջկա/կնոջ/սիրուհու ուշադրությունը գրավելու փնտրելը համատեղ կյանքը դրախտ կդարձնի: 

39. Կանացի հաջորդ ցանկությունը. մանրամասն հիշել, թե ինչպես եք ծանոթացել, այդ մասին քնելուց առաջ պատմել կնոջը` հուզմունքով եւ հիացմունքով:  

40. Մերսել կարողացող տղամարդը արդեն վաստակել է դրախտում իր տեղը: 

 

Աղբյուրը՝ NEWS.am STYLE