«Իսկ ինչու լռել. չէ որ մենք սիրում ենք ու ապրում այդ գեղեցիկ զգացմունքը...».Դիանա Մալենկոն իր կյանքում դժվարությունների և սիրելի հետ հանդիպման մասին. լուսանկարներ

Դիանա Մալենկո. դերասանուհի, հաղորդավարուհի, ով չնայած իր երիտասարդ տարիքին, մուտք գործեց հեռուստաընկերություն և կարողացավ իր ուրույն տեղն ու դիրքը ունենալ հեռուստատեսության մեջ՝ դառնալով պահանջվածներից մեկը: Նա այն հաղորդավարուհին է, ով անկեղծացավ` խոստովանելով, որ մինչ հեռուստատեսություն մուտք գործելն իր ճանապարհն այդքան էլ հարթ չի եղել: 13 տարեկանում նա մեքենաներ է լվացել, իսկ 14-ում` տնից տուն գնալով բջջային օպերատորներից մեկի քարտերն է բաժանել: Նրա անունը հաճախ ընդգրկվում է ամենագեղեցիկ հաղորդավարուհիների ցուցակում:

Այսօր Ձեզ ենք ներկայացնում Դիանա Մալենկոյի անձնական և գործնական կյանքի որոշ մանրամասներ:

Գեղեցկուհի հաղորդավարուհին երբեք էլ չի թաքցրել իր տղամարդկանց: Նա իր տեսակով այնպիսի անձնավորություն է, որ միայն լույս է սփռում:

«Իմ կյանքում ունեցած դժվարություններին երբեք ծանր չեմ նայել: Եթե բարդությանը նայես՝ որպես ամենածանր ու անլուծելի մի բարդություն, այն այդպես էլ կմնա: Ես չեմ ճանաչում այնպիսի մի մարդու, ով իր ապրած կյանքում դժվարության առաջ կանգնած չլինի: Ես երբեք չեմ ամաչել բանձրաձայնել, որ մանկության տարիներին աշխատել եմ և կատարել եմ, համենայն դեպս, աղջիկների համար, բավական բարդ ու ծանր գործ: Իսկ ինչի՞ համար ամաչել, ամաչե՞մ, որ աշխատել եմ, նույնիսկ ծիծաղելի է»,- հարցազրույցներից մեկի ժամանակ անկեղծացել է դերասանուհին:

Նա 20 տարեկանում հասցրել է ճանաչում ձեռք բերել ու սիրվել հասարակության լայն զանգվածների կողմից: Գուցե հենց այդ ճանաչումն էլ նրա անվան շուրջ այդքան ասեկոսեներ ու բամբասանքներ ստեղծեց:

«Իմ կյանքում ունեցած ցանկացած սիրավեպ, որը ինձ վերագրել են, շատերը եղել են անհեթեթությանը հասնող: Մենք` հայերս, բավական հեռու ենք այն աշխարհից, այն քաղաքակրթությունից, որը մեզ շրջապատում է: Երբ որևէ հասարակական դեմք ինչ-որ լուսանկար է հրապարակում իր միկրոբլոգում կամ այդ մարդուն տեսնում են փողոցում քայլելիս որևէ տղայի հետ, միանգամից սիրավեպ են վերագրում: Դա ինձ համար, գուցե կրկնվեմ, բայց ուղղակի անհեթեթություն է, դրա համար այդ երևույթներին ես ուշադրություն չեմ դարձնում»,- ասում է նա:

Վերջին ժամանակներս հաղորդավարուհին լուսանկարներ հրապարակեց իր ընտրյալի հետ՝ կարծես թե ցանկանալով վերջ դնել տարբեր տեսակի ասեկոսեներին ու բամբասանքներին: Նշենք, որ Դիանան իր ընտրյալի հետ ծանոթացել է երևանյան ակումբներից մեկում:

«Այո', ունեմ սիրելի, ում հետ ծանոփացել եմ հենց Սոս Ձանիբեկյանի միջոցով: Մհերը և Սոսը բավական մտերիմ ընկերներ են: Ես վայելում եմ իմ երիտասարդությունը և այն ծաղկուն ու գեղեցիկ պահերը, երբ մարդ ուղղակի սիրահարված է լինում: Ներկա պահին չեմ ցանկանում օրինականացնել հարաբերություններս»,- խոստովանում է Մալենկոն:

Պատրաստեց Past.am-ը: