Չկա պրոֆեսիոնալ խմբերում աշխատելու հնարավորություն, նորավարտ երաժիշտն էլ պետք է տուն պահի.Ռուբեն Մաթևոսյան

Հուլիսի 25-ին Երևանում մեկնարկելու է «Ոսկե ձայն» երգի միջազգային մրցույթը: Մրցույթը կազմակերպվել է «Տենոր» արվեստի համաշխարհային ասոցացիա ՀԿ-ի ջանքերով:

«Անդրադարձ» մամուլի ակումբում Հուլիսի 22-ին տեղի ունեցավ մրցույթի կազմակերպիչ Կարեն Զոհրաբյանի և ժյուրիի անդամների՝ ՀՀ ժողովրդական արտիստ Ռուբեն Մաթևոսյանի, Կոնսերվատորիայի առաջին վոկալ ամբիոնի վարիչ, պրոֆեսոր Սուսաննա Մարտիրոսյանի, ՌԴ-ից ժամանած Կարեն Մովսիսյանի, ԱՄՆ-ից ժամանած պրոֆեսոր Վաղարշակ Օհանյանի մամուլի ասուլիսը:

Ըստ կազմակերպիչների` մրցույթն ունի 4 ժանր՝ դասական, էստրադային, ջազ և ֆոլկ: «Ոսկե ձայն»-ին մասնակցում է 23 կատարող, որոնցից միայն 6-7-ն են հայեր: Կարեն Զոհրաբյանն ասաց. «Մրցույթի առաջին փուլում ունկնդրել ենք տեսաձայնագրությունները, կատարել ընտրություն:Ամսի 25,26-ին ելույթ կունենան արդեն երկրոդ փուլ անցածները»:

ՀՀ ժողովրդական արտիստ Ռուբեն Մաթևոսյանն ասաց, որ այս մրցույթի նպատակն է ի հայտ բերել տաղանդավոր երաժիշտներին: Նա նաև նշեց, որ լավ կատարողին պետք է խրախուսել և սովորեցնել:Արձագանքելով Past.am-ի այն դիտարկմանը, որ այսօր կոնսերվատորիայի կրթությամբ շատ լավ երգիչներ ստիված են գնալ շուկայի թելադրանքով և մատուցել անորակ երաժշտություն` պարոն Մաթևոսյանն ասաց. «Չկա պրոֆեսիոնալ խմբերում աշխատելու հնարավորություն, նորավարտ երաժիշտն էլ պետք է տուն պահի»:

Մեր հարցի՞ն՝ ճիշտ ճանապարհից չշեղվելու խորհուրդ կամ ուղղորդում լինելո՞ւ է Ռուբեն Մաթևոսյանի կողմից, մեծանուն երգիչն ասաց. «Իհարկե, այդ մրցույթի կարևորությունը հենց դրանում է»:

Լևոն Փանոսյան