Բրյուսելում ահաբեկչությունից հետո հասարակական տրանսպորտի աշխատանքը մասնակիորեն վերականգնվել Է

Առավոտյան Բրյուսելում հասարակական տրանսպորտի աշխատանքը մասնակիորեն վերականգնվել Է այն բանից հետո, երբ լիովին կազմալուծվել Էր օդանավակայանում եւ մետրոյում տեղի ունեցած ահաբեկչական գործողություններից հետո: Այս մասին հաղորդում Է «Արմենպրես»-ը՝ հղում անելով Բելգիայի RTL հեռուստա ալիքին: 

Հեռուստաալիքի տվյալներով՝ Բրյուսելի հիմնական երկաթուղային կայարանները բաց են, սակայն որոշ սահմանափակումներով: Այսպես, կայարանների շենքեր մի քանի մուտքերի փոխարեն ներկայումս գործում Է մեկը: «Բոլոր գնացքները պետք Է երթեւեկեն չվացուցակով, բնականոն ռեժիմով»,- նշել Է հեռուստաալիքը: Առայժմ փակ Է մնում, մասնավորապես, Շուման կայարանը, որը գտնվում Է եվրաթաղամասում:    

Ինչ վերաբերում Է միջազգային ուղեւորություններին, ապա Eurostar-ը եւ Thalys-ը նույնպես վերսկսել են աշխատանքը բնականոն ռեժիմով: «Այնուամենայնիվ, ուղեւորները պետք Է լրացուցիչ շուրջ մեկ ժամ ունենան ստուգման եւ գնացք նստելու համար»,- պարզաբանել Է RTL-ն:  

Ավելի վատ են քաղաքի մետրոյի գործերը: 69 կայարաններից առայժմ բաց Է սոսկ 16-ը, մյուսները մնում են փակ: Մետրոյի աշխատանքի լիովին վերականգնման մասին ստույգ տեղեկատվություն առայժմ չկա, բայց, հնարավոր Է, դա տեղի ունենա մարտի 24-ին:   

Հեռուստաալիքն ընդգծում Է, որ ամենուրեք՝ թե՛ կայարաններում, թե՛ մետրոյում եւ թե՛ ավտոբուսների եւ տրամվայների կանգառներում գործում են անվտանգության ուժեղացված միջոցներ: Մարդկանց ստուգման առանձնապես խիստ միջոցներ են սահմանվել կենտրոնական երկաթուղային կայարանում: