Սի Ցզինպինին պաշտոնաթողության կոչող նամակի հրապարակումից հետո 20 մարդ էձերբակալվել

ՄԻՋԱԶԳԱՅԻՆ 25 Մարտ, 2016 15:11

Չինաստանում 20 մարդ Է ձերբակալվել այն նամակի հրապարակումից հետո, որով կոչ Է արվում երկրի ղեկավար Սի Ցզինպինին՝ հրաժարական տալ, տեղեկացնում Է «Արմենպրես»-ը՝ հղում անելով BBC-ին:

Անանուն նամակը մարտին հրապարակվել Է Wujie News կայքում, որն, ինչպես համարվում Է, վերահսկվում Է ՉԺՀ-ի իշխանությունների կողմից: Թեեւ այն արագորեն հեռացրել են, նամակի պատճենը կարելի Է գտնել Համացանցում:

«Թանկագին ընկեր Սի Ցզինպինին, մենք Կոմունիստական կուսակցության հավատարիմ անդամներ ենք: Մենք գրում ենք այս նամակը, որպեսզի խնդրենք ձեզ թողնել բոլոր պաշտոնները կուսակցության եւ երկրի ղեկավարության մեջ»,-ասված Է ուղերձում:

Նամակի հրապարակման հետ են կապում չինացի հայտնի լրագրող Ցզյա Ցզյային: Նրա ընկերների խոսքով՝ Ցզյան միայն զանգահարել Է Wujie News-ի գլխավոր խմբագրին, որպեսզի ավելի մանրամասն տեղեկանա այն նամակի մասին, որն ինքը տեսել Է կայքում:

BBC-ին հաջողվել Է շփվել Wujie News-ի աշխատակցի հետ, որը ցանկացել Է անհայտ մնալ: Նրա խոսքով՝ Ցզյա Ցզյայից բացի, ձերբակալվել Է եւս 16 մարդ:

Նրանց թվում են կայքի վեց աշխատակիցներ, ներառյալ ղեկավարներից ու խմբագիրներից մեկը, ինչպես նաեւ տասը մարդ, որոնք աշխատում են կայքի հետ չկապված տեխնոլոգիական ընկերության համար:

Իսկ չինացի հայտնի այլախոհներից մեկը, որն ապրում Է ԱՄՆ-ում, BBC-ին պատմել Է, որ այդ նամակի կապակցությամբ Չինաստանում ձերբակալվել են իր ընտանիքի երեք անդամներ:

Նամակը Սի Ցզյինպինին մեղադրում Է ամբողջ իշխանությունն իր ձեռքում կենտրոնացնելու եւ դիվանագիտության եւ տնտեսության բնագավառում թույլ տված լուրջ սխալների, ինչպես նաեւ խոսքի ազատության Էլ ավելի սահմանափակման մեջ: