5 գեղեցիկ ձև Զատկի ձվերը զարդարելու համար

InchUzem.am-ը գրում է.

Մոտենում է Սուրբ Զատկի տոնն ու բոլորն արդեն սկսում են պատրաստվել. գնել ձուկ, ձու և այլ մթերքներ քանի դեռ խանութներում մեծ հերթեր չեն գոյացել: Հաջորդիվ մտածում ենք ձվերը ներկելու մասին: Շատերը շեղվելով ավանդույթից՝ կարմիր գույնը փոխարինում են այլ գույներով ու նախշերով: Մենք առաջարկում ենք Զատկի ձվերի զարդարման 5 օրիգինալ տարբերակ:

1. Ուլունքներով ձու

Այս տարբերակը բավականին ժամանակատար է ու պահանջում է հանգիստ նյարդեր, քանի որ գործ ունենք մանր աշխատանքի հետ: Նախ խաշած ձուն պետք է պատել հալած պարաֆինով (հալեցնել մոմ): Ձուն պարաֆինապատելուց հետո պետք թողնել փոքր ինչ սառչի, որպեսզի պարաֆինը չկպչի ձեռքերին: Հետո պետք է պարաֆինի վրա մոտավոր նկարել ցանկալի պատկերը: Ուլունքները պետք է տաքացնել մոմով կամ լուցկիով հետո ամրացնել պարաֆինի վրա:

2. Մարկեր/ֆլոմաստեր

Գունավոր կամ սպիտակ ձվի վրա պետք է նկարել ցանկալի պատկերը: Գործի դրեք երևակայությունը կամ օգտվեք մեր առաջարկած նկարից:

3. Փորագրություն

Ներկված ձվերի վրա կարող եք փորագրել ցանկացած պատկեր: Կարող եք օգտագործել ասեղ, սուր դանակ և այլ սուր իրեր:

4. Դեկուպաժ

Գտեք գեղեցիկ անձեռոցիկներ, դրան բաժանեք մանր մասերի և սոսնձեք ձվերին: Անվտանգության համար որպես սոսինձ կարող եք օգտագործել ձվի սպիտակուցը:

5. Փայլեր

Սոսնձով կամ սպիտակուցով ատված ձվի վրա փայլերով գեղեցիկ նախշեր արեք, դա նույնպես շատ գեղեցիկ տեսք կտա զատկի սեղանին: