Սյոմա Կոդաբաշյանը՝ Արամեի և Արտյոմ Հակոբյանի միջև համագործակցության դադարեցման մասին

 Life.panorama.am-ը գրում է.

Այն, որ Արամեն եւ Արտյոմ Հակոբյանը տարիների համագործակցությունից հետո այլեւս չեն աշխատում իրար հետ, հայտնի էր դեռեւս ամիսներ առաջ, սակայն վերջին օրերին թեժ քննարկումների թեմա է դարձել նրանց՝ միմյանց նկատմամբ հնչեցրած հայտարարությունները:

Հարցազրույցներից մեկում Արամեն նշել է, որ  Արտյոմ Հակոբյանն իրենց համաատեղ աշխատանքի ընթացքում ընդամենը ադմինիստրատիվ աշխատանքով է զբաղվել, ինչը Արտյոմին խիստ վիրավորանք է պատճառել ու վերջինս, ի պատասխան Արամեի նման հայտարարության, իր ֆեյսբուքյան էջում նշել է.

«Մեր համագործակցության 4 տարիների ընթացքում երբեք ինքնանպատակ չեմ ունեցել ինչ-որ հստակ անվանում կամ ձևաչափ գտնելու իմ աշխատանքին Արամեի հետ: Ինձ համար կարևոր էր մեր աշխատանքի արդյունքը:Նույնիսկ, երբ դադարեցինք աշխատել իրար հետ, համարում էի, որ կարիքը չկա մեկնաբանելու և խոսելու պատճառների մասին, սակայն այս հոդվածը կարդալուց հետո, հարկ եմ համարում բարձրաձայնել կարծիքս: 

Անշնորակալ դրսևորում եմ համարում Արամեի կողմից նման արտահայտությունը իմ աշխատանքի վերաբերյալ «նա ընդամենը ադմինիստրատիվ աշխատանքով էր զբաղված»: Այո՜, դա վիրավորական է ինձ համար, քանի որ 4 տարիների ընթացքում ես արել եմ այն ամենը, ինչ մտնում էր իմ պարտականուքյունների մեջ (ըստ մեր սկզբնական պայմանավորվածության) և դեռ շատ ավելին (մեր պայմանավորվածությունից դուրս), քանի որ համարել եմ, որ մեկ ընդանուր գործ ենք անում, և կապ չունի, թե ունեմ նման պարտավորություն թե ոչ: Չեմ կարծում, որ ԱԴՄԻՆԻՍՏՐԱՏՈՐԻ պարտականություն է.

1. երգչի համար անվճար տեսահոլովակներ նկարահանելը, 

2.բոլոր տեսակի բանակցություններ վարելը,

3.երգչի զրոյական վիճակում գտնվող սոցցանցերի կայացումը

4.youtube-յան պաշտոնական ալիք ստեղծելը (որն այսօր հայ երգիչներից շատերի ալիքներից ուժեղ է):

5.Բոլոր լրատվամիջոցների հետ կապեր պահելը և հարցազրույցներ տալը

6.Պատշաճ կերպով բոլոր համերգների բանակցությունները, երաժշտական խմբերի հետ բանակցությունները և փորձերի կազմակերպումը

7.Ֆոտոսեսիաները

8. երգեր գտնելը

9. Ձայնագրությունների կազմակերպումը

10.Բոլոր հյուրախաղերի պատշաճ կազմակերպումը և երգչի պատշաճ ներկայությունը

11. Ձայնասկավառակների թողարկումը և պրեզենտացիաների կազմակերպումը

12. Հոնորարների բանակցությունները 

ԵՎ էլի շատ բան, որն ուղղակի արվել է այս տարիների ընթացքում, հաշվի չառնելով, որ գոյություն ունեն որոշակի նախնական պայմանավորվածություններ: Քանի որ, կրկնում եմ, ինձ համար կարևոր էր մեր աշխատանքի արդյունքը, որն ի դեպ դրական եմ համարում:
Մեր այս համագործակցության մեջ ևս մեկ մարդ կար, իմ գործընկերը, Positive Production ընկերության տնօրենը, որը այս տարիների ընթացքում մի քանի տասնյակ համերգային շրջագայություններ է կազմակերպել Ռուսաստանի և Եվրոպայի շատ քաղաքներում: Եվ բնականաբար Արամեն եղել է այդ բոլոր համարգների առաջին մասնակիցը: 

Եվ այսօր այս ամբողջ կատարված աշխատանքը նրա կողմից գնահատվում է, որպես պարզապես ադմինիստրատիվ աշխատանք: 
Ափսոսում եմ,որ ստիպված եղա այս մեկնաբանությունը գրել, բայց այլ կերպ չէի կարող, սա իմ անվան հետ խաղ է, որը ես չեմ հանդուրժի:
Հ.Գ.
Պարզապես նրա կողքին գտնվող մարդկանցից ոմանք սովորեցրել են նրան իրենց պահվացքով, որ բոլորը նրան, չգիտես ինչու, պարտական են»:

Ըստ տարածված կարծիքների՝ Արամեն որոշել է ընդհատել իր նախկին պրոդյուսեր Արտյոմ Հակոբյանի հետ  համագործակցությունը՝ նախըտրելով շարունակել աշխատել ռեժիսոր Սյոմա Կոդաբաշյանի հետ, որ իր մտերիմ ընկերն է, սակայն Life.panorama.am-ի հետ զրույցում Սյոմա Կոդաբաշյանը շեշտեց.

«Ես Արամեի պրոդյուսերը կամ մենեջերը չեմ, ինձ ոչ մի նման պիտակավորում պետք չէ, ես նրա ընկերն եմ, ով օգնում է աշխատանքային հարցերով: Իմ ու Արամեի միջեւ ադմինիստրատորի, պրոդյուսերի կամ մենեջերի որեւէ դաջվածք չկա»:

Նշենք, որ Արամեի հետ կապ հաստատել չկարողացանք, քանի որ հենց Սյոմա Կոդաբաշյանն է զբաղվում երգչի հարցազրույցներով: Մեր այն նկատառմանը, թե ինչպե՞ս է Արամեն մեկնաբանում իր հայտարարության վերաբերյալ Արտյոմ Հակոբյանի մատնանշած ծավալուն աշխատանքի թվարկումը, Սյոման նշեց.

«Արամեն այլեւս ոչ մի մեկնաբանություն չի ուզում տալ այդ թեմաների շուրջ, նա իր խոսքն է ասել, Արտյոմ Հակոբյանն էլ՝ իր, էլ ի՞նչ իմաստ ունի կրկին խոսել այդ մասին»:

Հեղինակ՝ Անուշիկ Մելքոնյան