Ռուս միլիարդատիրոջ որդու շքեղ հարսանիքը․ Ջենիֆեր Լոպեսը, Սթինգը, երկու մետրանոց տորթը․․․(լուսանկարներ)

Շաբաթ օրը Մոսկվայի Սաֆիսա ռեստորանում տեղի է ունեցել «տարվա հարսանիքը»։ Ամուսնանում էր ռուս միլիարդատեր, «Ռուսսնեվթ» ընկերության սեփականատեր Միխայիլ Գուցերիեւի որդին՝ 28-ամյա Սաիդը։

Հարսը համեստ գեղեցկուհի, 20-ամյա Խադիջա Ուժախովան է՝ Ինգուշեթիայից, նա բժշկական համալսարանի ուսանողուհի է։ Ողջ ռեստորանն ու դրա մուտքը ձեւավորված է եղել բնական ծաղիկներով, ինչը, ռուսաստանյան լրատվամիջոցների տեղեկություններով, արժեցել է 200 հազար դոլար։ Խադիջան Elie Saab նորաձեւոթյան տան զգեստով է եղել, որը հատուկ նրա համար պատվիրել են Ֆրանսիայից։ Անհավանական գեղեցիկ զգեստը 25 կիլոգրամ է կշռել։

Իսկ ահա հյուրերին զվարճացնելու համար հատուկ ժամանել էին Ջենիֆեր Լոպեսը, ում հոնորարը, ըստ ռուսական լրատվամիջոցների, 1,5-5 միլիոն եվրո է կազմել, Սթինգը, Էներիկե Իգլեսիասը, Պատրիսիա Կաասը եւ Ալլա Պուգաչովան։

Հարսանեկան հյուրասիրությունը խիստ բազմազան է եղել՝ կովկասյան ավանդական ուտեստներից մինչեւ սուշի եւ ձկան խավիար։ Հարսանեկան տորթն ապշեցրել է մեծությամբ՝ այն երկու մետր է եղել, իսկ գագաթին՝ մուսուլմանական նշան։

Հարսանիքի հյուրերը 600 հոգի են եղել, այդ թվում՝ Ինգուշեթիայի թե նախկին, թե ներկա նախագահները։

Հարսանիքը եզրափակել է շքեղագույն հրավառությունը։ Սակայն սա դեռ ամենը չէ, նշվում է, որ երիտասարդները եւս մեկ հարսանիք են անելու Լոնդոնում, որտեղ հյուրերի թիվն ավելի փոքր կլինի, այսպես ասած՝ ընկերական միջավայր կլինի։ Իսկ լոնդոնյան հարսանիքին երգելու են Էլթոն Ջոնն ու Բեյոնսեն։

Նշենք նաեւ, որ 58-ամյա Միխայիլ Գուցերիեւը 2015-ին Forbes-ի կողմից ճանաչվել է Ռուսաստանի ամենահարուստ մարդը։

Պատրաստեց Past.am-ը: