Հայկական շոու-բիզնեսի խիստ հայկական խաղի կանոնները. Սոֆի Մխեյան և Լիլիթ Հովհաննիսյան (լուսանկարներ)

Հայկական շոու-բիզնեսում հարաբերությունները միշտ էլ ուղեկցվում են սկանդալներով ու անընդհատ ուշադրություն գրավող խոսակցություններով: Այստեղ սկանդալներն ու վեճերն պարզապես անխուսափելի են:

Հերթական ընդհարումը տեղի ունեցավ Ազգային երաժշտական մրցանակաբաշխության ժամանակ: Այս անգամ սկանդալ հասունացավ Հայաստանի լավագույն երկու երգչուհիների միջև: Լիլիթ Հովհանիսյան և Սոֆի Մխեյան. ժանրային տարբեր երկու երգչուհիներ, ովքեր կիսելու բան չունեն:

Այն տարի, երբ պետք է հայտնեին «Տարվա լավագույն երգչուհի» անվանակարգում հաղթողի անունը, կատարվեց մի բան, որը ոչ ոք չէր սպասում. մրցանակը հանձնվեց Լիլիթ Հովհաննիսյանին, ով այդ տարի ներկայացրել էր ընդամենը մեկ տեսահոլովակ, իսկ նրա կոլեգան հանդիսատեսի դատին էր հանձնել մի շարք տեսահոլովակներ:

Կարծես հերթական սկանդալն էր հասունանում հայկական շոու-բիզնեսում: Այդպես էլ եղավ. եղավ այն, ինչ ենթադրվում էր:

Երկու երգչուհիներն էլ անդրադարձել են այս թեմային և տվել մեկնաբանություններ:

Լիլիթ Հովհաննիսյանն իր հարցազրույցներից մեկի ժամանակ նշել է. «Այդ օրը հետնաբեմում բոլորն էին պատրաստվում, սակայն առավել այդ մրցանակն ստանալուն պատրաստվում էր Սոֆի Մխեյանը, սակայն հնչեց իմ անունը: Ես շատ շփոթված ու հուզված էի, քանի որ ինքս էլ մտածում էի, որ մրցանակը կհանձնվի հենց Սոֆի Մխեյանին, քանի որ նա այդ տարի բավական մեծ աշխատանք էր կատարել: Բեմ դուրս գալուց հետո ես ասացի այն, ինչ մտածում էի և հիմա էլ չեմ զղջում իմ ասած որևէ բառի համար: Ասացի, որ այդ մրցանակին ավելի շատ արժանի էր Սոֆի Մխեյանը, իսկ ահա իմ միամիտ քային հաջորդեց Սոֆիի պատասխանը: Ուղղակի ծիծաղելի է, ահա այսպես էր նա արձագանքել իմ քայլին և լքել էր դահլիճը: Այդ տարի ինձ հանձնեցին մրցանակ ոչ թե իմ կատարած աշխատանքի, այլ իմ տաղանդի ու շնորհի համար»:

Մեկնաբանություններից զերծ չմնաց նաև Սոֆի Մխեյանը: «Այո´, չեմ հերքում՝ ասել եմ նման բան և հիմա էլ կարող եմ բարձրաձայնել, որ իսկապես ծիծաղելի է: Կարծում եմ՝ մրցանակները ստանալուց հետո որևէ բացատրություններ տալն ուղղակի անիմաստ է»:

Պատրաստեց Past.am-ը: