Տարեսկզբից Միջերկրական ծովով Եվրոպա են ժամանել շուրջ 165 հազար միգրանտներ ու փախստականներ

Տարեսկզբից Միջերկրական ծովով Եվրոպա են ժամանել 164 հազար 752 միգրանտներ ու փախստականներ, միաժամանակ 531 մարդ զոհվել կամ անհետ կորել Է՝ եվրոպական երկրներ հասնելու փորձ կատարելիս: Այդ մասին, ինչպես տեղեկացնում Է «Արմենպրես»-ը, հայտնել են Միգրացիայի միջազգային կազմակերպությունում (ՄՄԿ):

Նրա տվյալներով՝ հունվարի 1-ից մինչեւ մարտի 29-ը Հունաստան Է ժամանել 149 հազար 534, Իտալիա՝ 15 հազար 218 մարդ: Այս տարի միջին հաշվով օրական Եվրոպայի ափ Է դուրս գալիս 1885 մարդ: «Սակայն զատկական տոներին Հունաստան ժամանածների օրական միջին թիվը նվազել Է՝ հասնելով մոտավորապես 500 միգրանտների ու փախստականների,-նշել են կազմակերպությունում:-Չկա հաղորդագրություն այն մասին, որ որեւԷ մեկն այդ օրերին ժամանել Է Իտալիա կամ Իսպանիա»: 

Տարեսկզբից Եվրոպա հասնելու փորձ անելիս զոհված կամ անհետ կորած մարդկանց թիվը հասել Է 531-ի, ինչը «9 տոկոսով ավելի Է, քան  2015 թվականի առաջին երեք ամսվա ընթացքում, երբ զոհվել Է 489 մարդ», նշել են ՄՄԿ-ում:

Ըստ Հունաստանի իշխանությունների հաղորդման, միգրանտների ու փախստականների հիմնական խումբը կազմում են սիրիացիները՝ տարեսկզբից ավելի քան 77 հազար ժամանածներ: Աֆղանստանից ժամանել Է ավելի քան 38 հազար մարդ, Իրաքից՝ ավելի քան 23 հազար, Պակիստանից՝ ավելի քան 5 հազար եւ Իրանից՝ ավելի քան 4 հազար հոգի:

2015 թվականի սկզբից Հունաստան են ժամանել 1 մլն 3 հազար 184 միգրանտներ ու փախստականներ, հաղորդել Է ՏԱՍՍ-ը: