Հայ ժամանակակից երաժշտության փառատոնը կմիավորի լավագույն կոլեկտիվներին

Հայ ժամանակակից երաժշտության փառատոնի ընթացքում կհնչեն 40 կոմպոզիտորների ստեղծագործություններ: Այս մասին«Արմենպրես»-ին տեղեկացրին Հայաստանի կոմպոզիտորների միությունից: Փառատոնային 6 համերգների ընթացքում երաժշտասեր հանրությունը կունկնդրի ինչպես սիմֆոնիկ, այնպես էլ կամերային, խմբերգային երաժշտություն: &laqu o;Պրեմիերա» խորագիրը կրող փառատոնն իր ձևաչափով առանձնանում է նրանով, որ նախագծի ընթացքում ստեղծագորւթյունների մեծ մասը կկատարվեն առաջին անգամ, իսկ հայ կոմպոզիտորների ստեղծագործությունները կհնչեն Հայաստանի ազգային ֆիլհարմոնիկ, Հայաստանի պետական երիտասարդական, Ալ. Սպենդիարյանի անվան օպերայի և բալետի ազգային ակադեմիական թատրոնի նվագախմբերի, Հայաստանի պետական կամերային, Երևանի պետական կամերային երգչախմբերի, ինչպես նաև առաջատար երաժշտական խմբերի ու մենակատարների կատարմամբ: Ժամանակակից երաժշտության թվով երրորդ փառատոնը կմեկնարկ ի ապրիլի 8-ին՝ Արամ Խաչատրյան համերգասրահում: Փառատոնային մեկ համերգ էլ կնվիրվի տարվա հոբելյաններին:

Հայ ժամանակակից երաժշտության տարածման ու լայն շրջանակներում այն հասանելի դարձնելու համար` կոմպոզիտորների միության որոշմամբ բոլոր համերգների մուտքն ազատ կլինի:

Փառատոնում ընդգրկված են Նուբար Ասլանյանի, Բելա Հովհաննիսյանի, Անահիտ Կոստանյանի, Վահրամ Բաբայանի (ապրիլի 8, Ա. Խաչատրյան համերգասրահ), Ժիրայր Շահրիմանյանի, Նարինե Զարիֆյանի, Ստեփան Սուքիասյանի, Միխայիլ Կոկժաևի, Վարդ Մանուկյանի (ապրիլի 9, Ա. Խաչատրյան համերգասրահ), Կոնստանտին Պետրոսյանի, Աշոտ Զոհրաբյանի, Գևորգ Հովհաննիսյանի, Գեղունի Չթչյանի, Տիգրան Մանսուրյանի, Վարդան Աճեմյանի, Սվետլանա Ալեքսանյանի, Լևոն Չաուշյանի (ապրիլի 12, Կոմիտասի անվան կամերային երաժշտության տուն), Էդվարդ Միրզոյանի, Էմմա Միհրանյանի, Առնո Բաբաջանյանի, Աշոտ Սաթյանի, Աոտ Բաբայանի, Արեգ Լուսինյանի (ապրիլի 14, Առնո Բաբաջանյան համերգասրահ), Իրինա Խաչատրյանի, Տիգրան Ասլանյանի, Գայանե Կեսոյանի, Գրիգոր Առաքելյանի, Մարտին Վարդազարյանի, Արփինե Կալինինայի, Արեգ Պանյանի, Գագիկ Հովունցի (ապրիլի 18, Առնո Բաբաջանյան համերգասրահ), Աշոտ Ղազարյանի, Արմենուհի Կարապետյանի, Աննա Հակոբջանյանի, Ջեննի Ասատրյանի, Ստեփան Բաբաթորոսյանի, Սոֆյա Միքայելյանի, Էդուարդ Սադոյանի, Աննա Ազիզյանի, Երվանդ Երկանյանի (ապրիլի 25, Կոմիտասի անվան կամերային երաժշտության տուն) ստեղծագործությունները:

Հայաստանի կոմպոզիտորների միությունը փառատոնը կազմակերպում է ՀՀ մշակույթի նախարարության աջակցությամբ: