Գյումրիում կշարունակեն հրապարակել Պերմյակովի գործով փաստաթղթերը

 Ռուսական 102-րդ ռազմաբազայի տարածքում ապրիլի 1-ին  կշարունակվի   Ավետիսյանների ընտանիքի սպանության մեջ մեղադրվող ռուս զինծառայող Վալերի Պերմյակովի գործով  արտագնա դատական նիստը: Նիստի ժամանակ կշարունակվի գործով փաստաթղթերի հրապարակման փուլը: Այս փուլում ներկայացվելու են գործով  26 հատորից բաղկացած փաստաթղթային փաթեթները: Այս պահի դրությամբ հրապարակվել է փաստաթղթերի մեծ մասը՝ այդ թվում տարածքի,  Պերմյակովի ու զինակիցների դատաբժշկական, ինչպես նաև դիակների  զննության եզրակացությունները, լուսանկարներ դեպքի վայրից, իսկ ավելի ուշ կհրապարակվի նաև տեսաձայնագրություն: Հրապարակվեցին նաև ռուսական կողմի ձեռք բերած` Պերմյակովի «Օդնոկլասնիկի» սոցիալական ցանցում արված անձնական  գրառումները: Դատական նիստի ընթացքում ներկայացվեց նաև Վ. Պերմյակովի  օրագիրը, որը նա սկսել է գրել արդեն դեպքից անմիջապես հետո, կալանավայրում: Օրագիրը հայտնաբերվել է խցում խուզ արկության ժամանակ ռուս քննիչների կողմից: Օրագրում, ըստ էության, Պերմյակովը ներողություն է խնդրում իր ծնողներից կատարածի համար: Փաստաթղթերի ընթերցման ընթացքում ներկայացվել է  նաև Ավետիսյանների տանը հայտնաբերված իրերի« փամփուշտների« արյան և քրտինքի վերաբերյալ փորձաքննական եզրակացությունները: Ըստ օրենքի չեն ընթերցվել միայն վկանների հարցաքննություններին վերաբերող փաստաթղթերը:

Ավետիսյանների ընտանիքի 6 անդամների սպանությունը տեղի է ունեցել 2015թվականի հունվարի 12-ին՝ վաղ առավոտյան՝  ժամը 06:00-ի սահմաններում. նրանցմահը վրա է հասել հրազենային վնասվածքներից։ Ավետիսյանների ընտանիքից ողջ էր մնացել 6 ամսական փոքրիկը՝ Սերյոժա Արմենի Ավետիսյանը, ով կտրող- ծակողգործիքից ստացած վնասվածքներով տեղափոխվել էր բժշկական կենտրոն, այնուհետև` յոթ օր հետո մահացել: Նշանակվել էին դատաբժշկական, դատատոքսիկոքիմիական,  դատաձգաբանական փորձաքննություններ: Կասկածյալին ռուս սահմանապահները հայտնաբերել են հայ-թուրքական սահմանը հատելուփորձ կատարելիս եւ հանձնել< i> 102-րդ ռուսական բազայի հրամանատարությանը:

Քրեական գործը հարուցվել է ՀՀ քրեական օրենսգրքի 104-րդ հոդվածի 2-րդ մասի 1-ին կետով (երկու և ավելի անձանց սպանությունը): Վալերի Պերմյակովին քրեական գործով որպես մեղադրյալ ներգրավելու մասին» և ՀՀ քննչական կոմիտեի քննիչները Վալերի Պերմյակովին  մեղադրանք են առաջադրել Հայաստանի Հանրապետության քրեական օրենսգրքի 104-րդ հոդվածի 2-րդ մասի 1-ին կետով՝ երկու եւ ավելի անձանց դիտավորյալ սպանության համար: Վալերի Պերմյակովն ընդունել է առաջադրված մեղադրանքը: Ռուսական կողմում հարուցված քրեական գործով Պերմյակովը դասալքության եւ զենքի ապօրինի կրման համար օգոստոսի 12-ին դատապարտվել է 10 տարվա ազատազրկման: