Ադրբեջանը սկսել է խոստովանել իր կորուստները. խոցվել է ուղղաթիռ, զոհվել է 12 զինծառայող

 Ադրբեջանը, որը մինչ այժմ հերքում էր ապրիլի 2-ի գիշերվանից ԼՂՀ-ի դեմ սկսած ռազմական գործողություններում ունեցած իր կորուստների մասին լուրերը, սկսել է հայտնել ԼՂՀ ջախջախիչ հակահարվածներից ունեցած իր կորուստները:

Ինչպես հաղորդում է «Արմենպրես»-ը, ադրբեջանական ԶԼՄ-ները` հղում կատարելով սեփական ՊՆ հաղորդագրությանը, հայտնում են, որ այսօր տեղի ունեցած ռազմական գործողություններում ադրբեջանական կողմը 12 զինծառայող է կորցրել, հայկական կողմը ոչնչացրել է մեկ ՄԻ-24 ուղղաթիռ, բացի այդ ականի պայթյունից շարքից դուրս է եկել մեկ տանկ: Վիրավորների մասին տվյալներ չեն հաղորդվում:

Իրականում ադրբեջանական կողմի կորուստները շատ ավելի մեծ են եւ մոտ ժամանակում Բաքուն ստիպված կլինի հայտնել ավելի շատ զինծառայողների զոհերի մասին:

Ճշգրտված տվյալներով` ղարաբաղյան ուժերը հարավարեւելյան ուղղությամբշարքից հանել են հակառակորդի երկու տանկ, հյուսիսարեւելյան ուղղությամբ` 1տանկ եւ անօդաչու թռչող սարք: Ժամը մոտ 12:30-ին ԼՂՀ ՊԲ հակաօդայինպաշտպանության ուժերը հարավարեւելյան ուղղությամբ խոցել են Ադրբեջանի ԶՈւեւս մեկ ռազմական ուղղաթիռ (այսօր թվով երկրորդը), իսկ հյուսիսարեւելյանուղղությամբ` եւս մեկ անօդաչու սարք: 

ԼՂՀ ՊԲ օպերատիվ տվյալների համաձայն` ապրիլի 2-ի առավոտյան մոտ ժամը 08:30-ին Մարտունիի ուղղությամբ ԲՄ-21 (Գրադ») սարքավորումից հթիռակոծության արդյունքում սպանվել է 12-ամյա Վաղինակ Թաթուլի Գրիգորյանը եւ եւս երկու երեխա վիրավորվել են: