Հակառակորդի լրատվամիջոցները, հղելով պակիստանյան ֆեյսբուքյան խմբերից մեկի գրառումը, ապատեղակատվություն են տարածում
ԲԼՈԳՎարդան Ոսկանյանը Ֆեյսբուքյան իր էջում գրում է.
Հակառակորդի լրատվամիջոցները, հղելով պակիստանյան ֆեյսբուքյան խմբերից մեկի գրառումը, ապատեղակատվություն են տարածում, թե Պակիստանի բանակն իբր աջակցություն է հայտնել Բաքվի բռնապետական վարչակարգին և հայտարարել, որ «Արցախյան հակամարտության վերսկսման դեպքում ամեն վայրկյան պատրաստ է կանգնել դրա կողքին»:
Մի կողմ թողնելով, սեփական բնակչության ոգին իբր բարձրացնելու նպատակով, այսպես կոչված, պակիստանյան փրփուրներից կախվելու Բաքվի բռնապետի քարոզչամեքենայի զավեշտալի փորձի փաստն ինքնին, պետք է նշել, որ իրականում Պակիստանի բանակը որևէ նման հայտարարություն չի արել:
Նույնիսկ նշված խմբում, որը լոկ ունի «Պակիսատանի Պաշտպանություն» անվանումը և որևէ կերպ չի արտահայտում պակիստանյան պաշտոնական տեսակետները, գրառումը բացառապես վերաբերում է պակիստանյան ժողովրդի իբր աջակցությանը Ադրբեջանին:
Ի դեպ, հետաքրքիր է, որ 1971թ. պակիստանյան բանակի վայրագությունների զոհ դարձած Բանգլադեշը ներկայացնող օգտատերերն էլ աջակցություն են հայտնել հայկական կողմին, իսկ նրանցից մեկն էլ գրել է, որ խմբի անդամների մեծ մասը քարտեզի վրա նույնիսկ չի կարող գտնել իր «աջակցած» Ադրբեջանի տեղը: