Ադրբեջանական կողմը մի քանի անհաջող փորձ է կատարել ներթափանցելու Արցախի տարածք. Դավիթ Բաբայան

 Ադրբեջանական կողմը փորձել է այսօրվա ընթացքում ևս մի քանի անգամ ներթափանցել Արցախի Հանրապետության տարածք, բայց նրան չի հաջողվել, ընդհակառակը տվել է տասնյակ կորուստներ և ունի նաև 5 խոցված Տ-90 տանկ, որը շատ մեծ հարված է նրա համար: Ընդհանուր առմամբ` արդեն 2 տասնյակից ավելի տանկ է կորցրել ադրբեջանական կողմը: «Արմենպրես»-ի հետ զրույցում հայտնեց ԼՂՀ նախագահի մամուլի խոսնակ Դավիթ Բաբայանը: «Չնայած առաջնագծում իրավիճակը շարունակում է լարված մնալ, բայց ընդհանուր առմամբ`այն վերահսկելի է»,-ասաց Դավիթ Բաբայանը` հավելելով, որ թշնամու ոտնձգությունները ճնշվում են բոլոր հնարավոր ձևերով:

Նա փաստեց, որ թե բնակչության, թե զինծառայողների բարոյահոգեբանական վիճակը բարձր է, որևէ խուճապ չկա, ինչը լավագույնս ապացուցվում է առաջնագիծ մեկնել ցանկացող կամավորների չդադարող հոսքով: «Կան դպրոցական տղաներ, նույնիսկ աղջիկներ, ովքեր գալիս են ու փորձում կամավորագրվել, իհարկե, նրանց չեն ընդունում թե տարիքի, թե այլ պատճառներով: Կան նաև երիտասարդ կանայք ու աղջիկներ, ովքեր պատրաստ են ծառայել, իհարկե, նրանց էլ չեն զորակոչում: Բայց սա ցույց է տալիս բարոյահոգեբանական վիճակը, որ որևէ վախ ու խուճապ չկա»,-նշեց Դավիթ Բաբայանը` շեշտելով, որ « այս պահին պաշտպանության բանակն ի վիճակի է սեփական ուժերով պաշտպանել հայրենիքի սահմանները»:

Ինչ վերաբերում է ապրիլի 2-ին Թալիշում ադրբեջանական դիվերսիոն խմբի վայրագությանը, երբ խոշտանգել ու սպանել էին տարեց բնակիչների իրենց տանը, Դավիթ Բաբայանը նկատեց, որ դա է մոլագար Ադրբեջանի իրական դեմքը: «Թալիշ է ներթափանցել ադրբեջանական դիվերսիոն խումբ, մտել է պատահական մի տուն, որտեղ ծեր մարդիկ էին, խոշտանգել  ու սպանել է: Դա է սրանց ձեռագիրն ու հոգեկան վիճակը, որ տարեց մարդկանց, ովքեր ի վիճակի չեն իրենց պաշտպանել, խոշտանգում են և սպանում: Սա ֆաշիզմ է ու ահաբեկչություն, մենք գործ ունենք աննորմալ հակառակորդի հետ, նորմալ բանականությու ն ուենցողը չի կարող այդպիսի քայլ անել»,-ասաց Դավիթ Բաբայանը:

Նա նկատեց, որ հազիվ էլ Ադրբեջանը դասեր քաղի ու զղջա իր արարքների համար` միաժամանակ նշելով, որ միջազգային հանրության բացթողումն է, որը պետք է ճնշի և պատասխանատվության հրավիրի այդ պետությանը: «Ամեն դեպքում մենք շարունակելու ենք պաշտպանել մեր ազատությունն ու անկախությունը և ուժգին հակահարված ենք հասցնելու Ադրբեջանին»,-հավելեց ԼՂՀ նախագահի մամուլի խոսնակ Դավիթ Բաբայանը:

Ապրիլի 1-ի լույս 2-ի գիշերը և առավոտյան Ադրբեջանը ղարաբաղա-ադրբեջանական հակամարտ զորքերի շփման գծի ողջ երկայնքով ձեռնարկել է լայնածավալնախահարձակ գործողություններ, որոնց ընթացքում հրթիռահրետանային արկակոծման են ենթարկվել ոչ միայն հայկական զինուժի պաշտպանական դիրքերը, այլևխաղաղ բնակավայրերը: Ադրբեջանական զինուժի կողմից ապրիլի 2-ին ժամը 08:30-իսահմաններում Մարտունու պաշտպանական ուղղությամբ ՄՄ-21 («Գրադ»)կայանքից իրականացված հրթիռահրետակոծության հետևանքով սպանվել է 12-ամյա Վաղինակ Թաթուլի Գրիգորյանը, ևս երկու երեխա վիրավորվել են: Ավելի ուշՍտեփանակերտի հիվանդանոց է տեղափոխվել ևս չորս վիրավոր քաղաքացիական անձ: Իսկ ապրիլի 3-ին հայտնի դարձավ, որ Թալիշում նախօրեին ադրբեջանցիներըգազանային կերպով գնդակահարել են երեք խաղաղ բնակչի, որոնք չէին հասցրել տարհանվել: Լեռնային Ղարաբաղի Պաշտպանության բանակի՝ ժամանակին ևարհեստավարժ գործողություն ների շնորհիվ հնարավոր է եղել իրավիճակը վերցնել հսկողության տակ և զգալի կորուստներ հասցնել հակառակորդին. ապրիլի 1-ի լույս 2-ի գիշերը և օրվա ընթացքում տեղի ունեցած մարտական գործողությունների ընթացքում ադրբեջանական զինուժը տվել է 200-300 կորուստ: Շարքից հանվել է ընդհանուրառմամբ թշնամական մոտ 20 տանկ, մեկ «Գրադ» կայանք: Հայկական կողմն ունի 18 զոհ և մոտ 37 վիրավոր: Առաջնային գծի հարավային ուղղությամբ ապրիլի 3-ին՝ժամը 06:00-ից սկսած, հակառակորդը հրթիռահրետանային միջոցների և զրահատեխնիկայի կիրառմամբ շարունակել է ագրեսիվ ռազմական գործողությունների վարույը: ՊԲ ստորաբաժանումներն անցել են հակազդիչ գործողությունների և Թալիշի ուղղությամբ տիրել նախօրյակին ադրբեջանական ուժերի կողմից գրավվածմարտավարական կարևոր նշանակության հենակետին: