Բրյուսելյան մահապարտը մահից առաջ թողած գրության մեջ ներկայացրել է հանցակիցների դերը
ՄԻՋԱԶԳԱՅԻՆԲրյուսելի օդանավակայանի մահապարտ Բրահիմ Բաքրաուին իր մահից առաջ թողած գրության մեջ շարադրել Է ահաբեկչական գործողության պատրաստման գործում ահաբեկչական խմբի մյուս մասնակիցների դերերը: Այս մասին, ինչպես տեղեկացնում Է «Արմենպրես»-ը, հայտնել Է La Derniere Heure թերթը:
Այդ նամակը ոստիկանությունը գտել Է այն դյուրակիր համակարգչում, որն ահաբեկչական գործողությունից հետո հայտնաբերել են Սքարբեկի կոմունայի աղբարկղներից մեկում, կոմունա, որտեղ բնակարան Էին վարձել ահաբեկիչները:
«Բաքրաուին պատմել Է հինգ հանցակիցների դերի մասին, որոնցից չորսն արդեն ձերբակալված են: Նա հայտնել Է, թե նրանցից ով Է զբաղվել բնակարանների վարձակալությամբ, ով Է ձեռք բերել նյութեր պայթանյութի պատրաստման համար»,- ճշտել Է թերթը: Նրա կողմից հիշատակված անձանց թվում նշված Է Մուհամեդ Բաքքալին, որը Կալաշնիկով ինքնաձիգով կրակել Է ոստիկանների վրա մարտի 14-ին Ֆորեի կոմունայում կատարված հատուկ գործողության ընթացքում եւ փոխհրաձգության ժամանակ սպանվել ոստիկանական դիպուկահարի կողմից: Բաքքալին բնակարան Էր վարձել Սքարբեկում, որտեղ Էլ ըստ Էությ ան պատրաստվել են պայթուցիկ սարքերը Բրյուսելի օդանավակայանում եւ մետրոյում ահաբեկչական գործողությունների համար:
Ոստիկանական աղբյուրների համաձայն՝ իր գրությունում Բաքրաուին պնդել Է, որ իր հանցակիցները գործել են կուրորեն եւ չեն իմացել ահաբեկչական գործողությունների նախապատրաստման մասին, բայց ոստիկանությունը չի հավատում դրան, հաղորդել Է ՏԱՍՍ-ը:



