Իսրայելի Կնեսետը խստորեն դատապարտում է ադրբեջանական գործողությունները

Իսրայելի Պետության Կնեսետը խստորեն դատապարտում է ադրբեջանական կողմին` շփման գծում իրավիճակի լարումը սանձազերծելու համար: Այս մասին ապրիլի 4-ին Հայաստանի հրեական համայնքի 25-րդ տարեդարձին նվիրված քննարկմանը նշեց Իսրայելի Պետության Կնեսետի փոխխոսնակ, Իսրայել-Հայաստան բարեկամական խմբի ղեկավար Թալի Պլոսկովը:

«Մենք խստորեն դատապարտում ենք ադրբեջանական կողմին այն ամենի համար, ինչ այսօր կատարվում է Լեռնային Ղարաբաղում: Մենք կոչ ենք անում նրանց դադարեցնել կրակը և անել ամենը, որպեսզի ամեն ինչ հանգստանա: Խաղաղությունը պետք է մեզ և յուրաքանչյուր երկրին: Զարգանալ հնարավոր է միայն խաղաղ գոյատևման ժամանակ»,- նշեց Թալի Պլոսկովը:

Նրա խոսքով`ե րկու պետությունների` Հայաստանի և Իսրայելի միջև շատ ընդհանրություններ կան: Իսրայելի Պետության Կնեսետի փոխխոսնակի խոսքով` իրենց երկրում էլ իրավիճակը հանգիստ չէ:

Թալի Պլոսկովը նշեց, որ հանդիպումներ է ունեցել Հայաստանում տարբեր գերատեսչությունների ու կառույցների ղեկավարների հետ: Նա հավելեց, որ հագեցած օրակարգ է ունեցել, եղել է Ցեղասպանության հուշահամալիրում:

«Առաջին անգամ է նման մեծ պատվիրակություն Հայաստանում, սա երևի մեր հարաբերություններում նոր փուլի սկիզբ է»,-նշեց նա: Թալի Պլոսկովը հավելեց, որ ղարաբաղա-ադրբեջանական շփման գծում տեղի ունեցած իրադարձությունների մեկնարկին իրենց առաջարկել են հայրենիք վերադառնալ, սակայն պատվիրակությունը հրաժարվել է:

Ապրիլի 1-ի լույս 2-ի գիշերը և առավոտյան Ադրբեջանը ղարաբաղա-ադրբեջանական հակամարտ զորքերի շփման գծի ողջ երկայնքով ձեռնարկել է լայնածավալնախահարձակ գործողություններ, որոնց ընթացքում հրթիռահրետանային արկակոծման են ենթարկվել ոչ միայն հայկական զինուժի պաշտպանական դիրքերը,այլև խաղաղ բնակավայրերը: Ադրբեջանական զինուժի կողմից ապրիլի 2-ին ժամը 08:30-իսահմաններում Մարտունու պաշտպանական ուղղությամբ ՄՄ-21 («Գրադ») կայանքից իրականացված հրթիռահրետակոծության հետևանքով սպանվել է 12-ամյա Վաղինակ Թաթուլի Գրիգորյանը, ևս երկու երեխա վիրավորվելեն: Ավելի ուշ Ստեփանակերտի հիվանդ անոց է տեղափոխվել ևս չորս վիրավոր քաղաքացիական անձ: Իսկ ապրիլի 3-ին հայտնի դարձավ, որ Թալիշումնախօրեին ադրբեջանցիները գազանային կերպով գնդակահարել են երեք խաղաղ բնակչի, որոնք չէին հասցրել տարհանվել: Լեռնային ՂարաբաղիՊաշտպանության բանակի՝ ժամանակին և արհեստավարժ գործող ությունների շնորհիվ հնարավոր է եղել իրավիճակը վերցնել հսկողության տակ և զգալիկորուստներ հասցնել հակառակորդին. ապրիլի 1-ի լույս 2-ի գիշերը և օրվա ընթացքում տեղի ունեցած մարտական գործողությունների ընթացքումադրբեջանական զինուժը տվել է 200-300 կորուստ: Շարքից հանվել է ընդհանո ւր առմամբ թշնամական մոտ 20 տանկ, մեկ «Գրադ» կայանք: Հայկական կողմնունի 18 զոհ և մոտ 37 վիրավոր: Առաջնային գծի հարավային ուղղությամբ ապրիլի 3-ին՝ ժամը 06:00-ից սկսած, հակառակորդը հրթիռահրետանային միջոցներիև զրահատեխնիկայի կիրառմամբ շարունակել է ագրեսիվ ռազմական գործողություններ ի վարումը: ՊԲ ստորաբաժանումներն անցել են հակազդիչգործողությունների և Թալիշի ուղղությամբ տիրել նախօրյակին ադրբեջանական ուժերի կողմից գրավված մարտավարական կարևոր նշանակությանհենակետին: