Հայկական շոու-բիզնեսի ամենաոճային տղամարդիկ

Դեռևս մի քանի տարի առաջ հայկական շոու բիզնեսի տղամարդկանցից շատերի կերպարը շարքային էր: Նրանց մեծ մասը կարող էր նույն հագուստով գնալ գործնական հանդիպման, ընկերական հավքույթի, ֆոտոշարք անցնելու, համերգի և ակումբ`պարելու: Այժմ առաջխաղացում է նկատվում այս առումով: Տղամարդիկ սկսել են դիմել ոճաբանների և ամիսներ շարունակ աշխատել իրենց բեմական կերպարի վրա: Քանի որ տղամարդկանց ոճի արտահայտչամիջոցներն ավելի քիչ են, նրանք շեշտը դնում են հագուստի և սանրվածքի վրա:

 

 Անդրե 

Անդրեն, թերևս, միշտ է տարբերվել իր ոճով: Նրա երկար մազերի մասին խոսում էր ամբողջ հայ ազգը: Տղաները «քարկոծում» էին նրան, աղջիկները` սիրահարվում: Այսօր Անդրեն կարճ մազերով է, ինչը, նրա խոսքով, ընդամենը ոճային փոփոխություն է, ոչ թե խոսակցություններից խուսափելու միջոց:

 Սուրեն Փահլևանյան

Սուրենը միշտ տարբերվել է բոլորից թե´ իր սանրվածքներով, թե´ հետաքրքիր ու ոճային ակնոցներով, անգամ, հաղորդում վարելու իր յուրահատուկ ոճով: Այսօր էկրաններին հայտնվել են բազմաթիվ երիտասարդներ, բայց Սուրենի փայլը չի խամրել, և նա շարունակում է առանձնանալ «մաչոյի» հետաքրքիր կերպարով:

 Հրաչ Մուրադյան

Տարիներ առաջ, երբ հեռուստաէկրաններին հայտնվեց «Թեժ անկյուն» թոք-շոուն, բոլորի ուշադրության կենտրում հայտնվեց մի տղա, ով այդ շրջանում տարբերվում էր իր հագուկապով: Անցան տարիներ ու մինչև այժմ էլ Հրաչը շատերին զարմացնում է իր ոճային լուծումներով: Թեպետ շատ են խոսակցությունները, որ վերջինս նմանակում է Անդրեյ Մալխովին, նրա կերպարը միշտ առանձնանում է հայ մյուս հայտնիների կերպարներից:

 Ֆելիքս Խաչատրյան

Հեռուստատեսությունում հայտնվելու առաջին շրջանում Ֆելիքսի կերպարը ոչնչով չէր տարբերվում երևանցի մյուս երիտասարդների արտաքինից: Որոշ ժամանակ անց, սակայն, նկատելի է դարձավ Ֆելիքսի ոճային կտրուկ փոփոխությունը: Գուցե դա պայմանավորված է ռեփերի կարիերայով, գուցե մեկ այլ հանգամանքով, սակայն փաստն այն է, որ այսօր նա ամենաոճային շոուբիզնեսցիներից մեկն է:

Սոս Ջանիբեկյան

Երբ Սոսը հայտնվեց հեռուստատեսությունում, շատ աղջիկների գրավեց իր արտաքին տեսքով: Այն շրջանում, երբ հայ տղաները հագից չէին հանում «ծիծակ» կոշիկները, Սոսը քաղաքով զբոսնում էր նորաձև կեդերով և արժանանում մարդկանց երկար հայացքներին:) Այսօր նա ամենապահանջված և ոճային հայ դերասաններից է:

 Խորեն Լևոնյան

Առաջին հայացքից չտարբերվող ոճով հագնվող դերասանը եթերում երևում է միայն մտածված և աշխատված կերպարներով:  Սկզբնական շրջանում նա աչքի չէր ընկնում կոնկրետ ոճային գծով, սակայն ժամանակի ընթացքում  նրա ոճն ավելի հետաքրքիր դարձավ:

 Էրիկ

Երբ Էրիկը հայտնվեց հայկական երգարվեստում, հանդիսատեսը նրան նմանեցրեց Դիմա Բիլանին: Էրիկը սկսեց համագործակցել հայ ոճաբանների հետ, գտավ իր ոճը և դադարեցին խոսակցությունները, թե նա  նմանակում է Բիլանին:

 Ավետ Բարսեղյան

Այս հաղորդավարի հագին անգամ ամենահասարակ կոստյումը ոճային և յուրահատուկ է երևում: Նա կարող է դասական կոստյումի հետ համադրել շարֆ կամ գլխարկ: Ավետը միշտ մտածված է հագնվում;

Արսեն Գրիգորյան

Խուճուճ մազերով այս հաղորդավարը կոտրեց բոլոր կարծրատիպերը կապված տղաների «հատիկավոր» մազերի հետ: Նրա յուրաքանչյուր բեմելը խոսակցությունների ալիք է բարձրացնում թե´ ոճաբանների, թե´ հանդիսատեսի շրջանում: Մի բան հստակ է, այն կերապներով, որոնցով նա է ներկայանում, հայ երիտասարդներից շատերը չեն համարձակվի ներկայանալ:

 Արման Նշանյան

Վերջին տարիներին հայտնի դարձած դերասան Արման Նշանյանը վառ գույն ավելացրեց էկրաններին: Դժվար է ասել` արդյոք նրա կերպարի ընտրությունը պայմանավորված է Միացյալ Նահանգների թողած ազդեցությամբ, բայց փաստն այն է, որ նրա նման երիտասարդների հաճախ չես հանդիպի ոչ տեղի հեռուստաալիքներով, ոչ էլ քաղաքի փողոցներում: