Ալեքսիս Օհանյանը մտածում է իր հայ քույր-եղբայրների մասին ու ցանկանում շուտափույթ խաղաղություն

Ամերիկյան Reddit սոցիալական ցանցի հիմնադիր, տեղեկատվական տեխնոլոգիաների ոլորտի հայտնի մասնագետ, հայազգի Ալեքսիս Օհանյանն անդրադարձել է արցախյան իրադարձություններին: «Արմենպրես»-ի փոխանցմամբ` նա «Ինստագրամ»-ի իր էջում լուսանկար է տարածել ու գրել, որ մտածում է իր բոլոր հայ եղբայր-քույրերի մասին և ցանկանում է, որ խաղաղությունը շուտ հաստատվի:Լուսանկարում պատկերվածը մի ժամանակ Հայաստանինն էր, հիմա Թուրքիայինը: Այս լուսանկարն արել եմ 2015 թվականի ապրիլի 15-ին դեպի Հայաստան իմ վերջին ուղևորության ժամանակ` Հայոց ցեղասպանության 100-րդ տարելիցին»,-գրել է նա:

Ապրիլի 1-ի լույս 2-ի գիշերը և առավոտյան Ադրբեջանը ղարաբաղա-ադրբեջանական հակամարտ զորքերի շփման գծի ողջ երկայնքով ձեռնարկել է լայնածավալնախահարձակ գործողություններ, որոնց ընթացքում հրթիռահրետանային արկակոծման են ենթարկվել ոչ միայն հայկական զինուժի պաշտպանական դիրքերը, այլևխաղաղ բնակավայրերը: Ադրբեջանական զինուժի կողմից ապրիլի 2-ին ժամը 08:30-ի սահմաններում Մարտունու պաշտպանական ուղղությամբ ՄՄ-21 («Գրադ»)կայանքից իրականացված հրթիռահրետակոծության հետևանքով սպանվել է 12-ամյա Վաղինակ Թաթուլի Գրիգորյանը, ևս երկու երեխա վիրավորվել են: Ավելի ուշՍտեփանակերտի հիվանդանոց է տեղափոխվել ևս չորսվիրավոր քաղաքացիական անձ: Իսկ ապրիլի 3-ին հայտնի դարձավ, որ Թալիշում նախօրեին ադրբեջանցիներըգազանային կերպով գնդակահարել, խոշտանգել ու խեղել են երեք խաղաղ բնակչի: Հայկական կողմը 20 կորուստ ունի, 26 զինծառայող անհայտ կորած է, 72 մարդ`վիրավոր: Հինգ մարդ էլ, այդ թվում` ՀՀ Սյունիքի մարզի գյուղական երկու համայնքի ղեկավար, զոհվել է ավտոբուսի ռմբահարումից` Մարտակերտի ճանապարհին:Լեռնային Ղարաբաղի Պաշտպանության բանակի ժամանակին և արհեստավարժ գործողությունների շնորհիվ հնարավոր է եղել իրավիճակը վերցնել հսկողության տակ ևզգալիկորուստներ հասցնել հակառակորդին. ապրիլի 1- 4-ը տեղի ունեցած մարտականգործողությունների ընթացքում ադրբեջանական զինուժը տվել է մոտ 300կորուստ, ոչնչացվել է 29 տանկ , 3 հետևակի մարտական մեքենա, 1 ինժեներական տեխնիկա, 2 ուղղաթիռ, 7 անօդաչու սարք, 1ՄՄ 21 ռեակտիվ հրետանու մարտականմեքենա: