Դամասկոսը Ժնեւ պատվիրակություն կուղարկի խորհրդարանական ընտրություններից հետո. Սիրիայի ԱԳՆ

Սիրիայի կառավարական պատվիրակությունը Ժնեւ՝ միջսիրիական բանակցությունների նոր փուլին մասնակցելու կուղեւորվի Ժողովրդական խորհրդի (խորհրդարան)՝ ապրիլի 13-ին կայանալիք ընտրություններից հետո: Այդ մասին Սիրիայի արտաքին գործերի փոխնախարար Ֆեյսալ Մեք դադը հայտարարել Է հարցազրույցի ժամանակ, որն ապրիլի 5-ին հաղորդել Է «Ալ Մայադին» հեռուստաալիքը: Նրա խոսքով՝ «բոլորը պետք Է հարգեն Սիրիայի ժողովրդի կամքը»:

Դամասկոսի դիվանագիտական աղբյուրները հայտնել են, որ Սիրիայի կառավարության պատվիրակությունը՝ Բաշար Ջաֆարիի գլխավորությամբ, Ժնեւ կժամանի ապրիլի 14-ին:

Միջսիրիական անուղղակի բանակցությունների առաջին փուլը տեղի Է ունեցել մարտի 14-24-ին:    

Մինչդեռ Ազգային համակարգող կոմիտեն՝ Սիրիայի ներսում  առաջատար ընդդիմադիր խմբակցությունը, հայտարարել Է ապրիլի 13-ին նշանակված խորհրդարանական ընտրությունները բոյկոտելու մասին: Նրա նախագահ Հասան Աբդել Ազիմը ներկայում ընտրությունների անցկացման որոշումը որակել Է «սխալ քայլ»,

Ապրիլի 5-ին Ժնեւում կայացած ճեպազրույցի ժամանակ ՄԱԿ-ի Եվրոպայի բաժանմունքի մամուլի քարտուղար Ահմադ Ֆաուզին հայտարարել Է, որ Սիրիայի հիմնախնդրով ՄԱԿ-ի գլխավոր քարտուղարի հատուկ դեսպանորդ Ստաֆան դե Միստուրան ծրագրում Է Ժնեւում միջսիրիական բանակցությունները վերսկսել ապրիլի 11-ին, ինչպես Է եւ պլանավորված Էր:   

«Ստաֆան դե Միստուրան շարունակում Է իր կոնսուլտացիաները: Նա մտադիր Է Սիրիայի շուրջը բանակցությունները վերսկսել, ինչպես եւ պլանավորվել Էր, ապրիլի 11-ին: Դա կլինի միջսիրիական բանակցությունների երկրորդ փուլը»,- նշել Է նա, հաղորդել Է ՏԱՍՍ գործակալությունը: