Գյումրիում կշարունակվի Պերմյակովի գործով արտագնա դատական նիստը

Ռուսական 102-րդ ռազմաբազայի տարածքում ապրիլի 8-ին կշարունակվի     Ավետիսյանների ընտանիքի սպանության մեջ մեղադրվող ռուս զինծառայող Վալերի Պերմյակովի գործով  արտագնա դատական նիստը:

Դատական  անցած  նիստերին  ավատվեց  փաստաթղթերի հրապարակուման փուլը և արդեն այս նիստից կմեկնարկի իրեղեն ապացույցների ներկայացման փուլը: Այդ փուլից հետո հերթը Պերմյակովի հարցաքննությանն է հասնում։ Ինչպես ռուսական կողմի դատավարության ժամանակ, ըստ փաստաբանների, հավանաբար նա կհրաժարվի ցուցմունքներ տալուց եւ կհրապարակվեն նրա նախաքննական ցուցմունքները։

Ավետիսյանների ընտանիքի 6 անդամներիսպանությունը տեղի է ունեցել 2015 թվականիհունվարի 12-ին՝ վաղ առավոտյան՝  ժամը06:00-ի սահմաններում. նրանց մահը վրա է հասել հրազենային վնասվածքներից։ Ավետիսյանների ընտանիքից ողջ էր մնացել 6ամսական փոքրիկը՝ Սերյոժա Արմենի Ավետիսյանը, ով կտրող- ծակող գործիքից ստացած վնասվածքներով տեղափոխվել էրբժշկական կենտրոն, այնուհետև` յոթ օր հետո մահացել: Նշանակվել էին դատաբժշկական,  դատատոքսիկոքիմիական, դատաձգաբանական փորձաքննություններ: Կասկածյալին ռուս սահմանապահները հայտնաբերել են հայ-թուրքական սահմանըհատելու փորձ կատարելիս եւ հանձնել< i> 102-րդ ռուսական բազայի հրամանատարությանը:

Քրեական գործը հարուցվել է ՀՀ քրեական օրենսգրքի 104-րդ հոդվածի 2-րդ մասի 1-ին կետով (երկու և ավելի անձանց սպանությունը): Վալերի Պերմյակովին քրեական գործով որպես մեղադրյալ ներգրավելու մասին» և ՀՀ քննչական կոմիտեի քննիչները Վալերի Պերմյակովին  մեղադրանք են առաջադրել Հայաստանի Հանրապետության քրեական օրենսգրքի 104-րդ հոդվածի 2-րդ մասի 1-ին կետով՝ երկու եւ ավելի անձանց դիտավորյալ սպանության համար: Վալերի Պերմյակովն ընդունել է առաջադրված մեղադրանքը: Ռուսական կողմում հարուցված քրեական գործով Պերմյակովը դասալքության եւ զենքի ապօրինի կրման համար օգոստոսի 12-ին դատապարտվել է 10 տարվա ազատազրկման: