Ադրբեջանի ապրիլյան ռազմական սադրանքում սպանվածների հիշատակի արարողությանը մասնակցած նրանց մայրերի թիվն անցնում է մի քանի հարյուրը

Ադրբեջանի առաջին տիկին, «Հեյդար Ալիեւ» հիմնադրամի նախագահ Մեհրիբան Ալիեւան ապրիլի 7-ին Բաքվի «Հեյդար» մզկիթում ապրիլի 1-5-ին ԼՂՀ-ի դեմ ռազմական ագրեսիայի արդյունքում սպանված զինծառայողների հիշատակին հոգեհաց է կազմակերպել: Արարողությանը հրավիրվել են մասնակցել սպանված զինծառայողների մայրերը:

Ինչպես հաղորդում է «Արմենպրես»-ը, Ադրբեջանի պաշտոնական azertag.azլրատվական կայքը մի շարք լուսանկարներ է հրապարակել արարողությունից:

Դատելով հրապարակված լուսանկարներում արարողությանը մասնակցած զոհված ադրբեջացի զինծառայողների մայրերի թվով՝ պարզ է դառնում, որ Լեռնային Ղարաբաղի Հանրապետության դեմ Ադրբեջանի սանձազերծած ապրիլյան ագրեսիային հայկական կողմի հակահարվածների արդյունքում ադրբեջանական կողմի կորուստն անցնում է մի քանի հարյուրը: Դրանում կհամոզվեք՝ դիտելով կայքում բերված լուսանկարներում արարողությանը հրավիրված զոհվածների մայրերի թվից, որոնք հարյուրավոր են:

Ադրբեջանը պաշտոնապես հայտնում է ապրիլի 1-5-ի ռազմական սադրանքում 18 զինծառայող կորցնելու մասին: Ադրբեջանական «Խազար» հետազոտական կենտրոնը ապրիլի 5-ին հրապարակել է սպանվածների 57 լուսանկար: Ռազմ.info-ն հայտնում է սպանված 61 ադրբեջանցի զինծառայողների անուններ: Ինչպես երեւում է` այդ թվերը գնալով կմեծանան:

ԼՂՀ ՊԲ տվյալներով` ապրիլի 1-5-ին ԼՂՀ դեմ ռազմական սադրանքին հայկական կողմի ջախջախիչ հակահարվածի արդյունքում Ադրբեջանը կորցրել է 2 ուղղաթիռ, 24 տանկ, 3 հետեւակի մարտական մեքենա, 1 ինժեներական տեխնիկա, 8 անօդաչու սարք, 1ՄՄ 21 ռեակտիվ հրետանու մարտական մեքենա: Մարտական գործողութունների ընթացքում ադրբեջանական զինուժը տվել է ավելի քան 300 կորուստ, մոտ 2000 վիրավոր: