Կիզիչ արեւը, Կարմիր ծովից փչող բրիզը, մաքուր և մանր ավազը գրավում են զբոսաշրջիկներին: Դեպի Եգիպտոս ճամփորդությունը հանգստանալու, հետաքրքիր շատ բան տեսնելու և նոր տպավորություններ հավաքելու լավ հնարավորություն է: Կարմիր ծովի ափին հանգստանալու են գալիս ընտանիքների, ընկերների եւ գործընկերների հետ: Եգիպտոսի հայտնի Հուրգադա առողջարանային գոտում զբոսաշրջիկների կարելի է տեսնել տարվա գրեթե բոլոր եղանակներին:
Զբոսաշրջիկները հնարավորություն ունեն Հելնան Մարինայից մի քանի կիլոմետր անցնել` դրախտային Գիֆտոն կղզին տեսնելու համար: Մինչեւ Հելնան Մարինայից նավը կհասնի Դրախտային Գիֆտոն կղզի` զբոսաշրջիկները կարող են հետևել ստորջրյա աշխարհին: Ձկների հազարավոր տեսակներ, կորալների հարյուրավոր տեսակներ, և այդ ամենը՝ թափանցիկ ջրում: Անակնկալ կարող են մատուցել նաեւ ջրասուզակները: Աշխարհի տարբեր անկյուններից հազարավոր կիլոմետրեր անցած եւ իրենց հանգիստը Կարմիր ծովի ափին անցկացնող զբոսաշրջիկներին Եգիպտոսում տեղի ունեցող զարգացումները չեն հետաքրքրում: Նրանց ավելի շատ հետաքրքրում է հանգիստը Կարմիր ծովի ափին, արեւայրուքը եւ մաքուր օդը: Կարմիր ծովի լայն ավազային լողափերերին եվրոպացիների, ռուսների էլ կտեսնես: Տաք ծովն ու հիանալի կլիման վայելելու համար շատերը գրեթե ամեն տարի Եգիպտոսում են իրենց հանգիստն անցկացնում:
Հուրգադայի կենտրոնական Շերատոն փողոցն է ու թաղամասը: Տարբեր ֆիրմաների արտադրանքներ կարելի է հենց Շերատոնի սուպերմարկետներում ու խոշոր խանութներում փնտրել: Երեկոյան ժամերին էլ Շերատոնում են հավաքվում Հուրգադա ժամանած զբոսաշրջիկները, գնումներ կատարում խոշոր խանութներում եւ սուպերմարկետներում:
Հուրգադայում օրը չի ավարտվում: Այն ավելի հետաքրքրական է դառնում հատկապես Փոքրիկ Բուդդայում: Երիտասարդների ժամանցի կենտորնն է` մինչեւ առավոտ զբոսարջիկները կարող են լիցքաթափվել եւ բազմաթիվ նոր ծանոթություններ հաստատել:
