Հունվարին գլուխ են բարձրացնում լնդային հիվանդությունները, դիմադրողականությունն ընկնում է, մահացությունները՝ շատանում: Այս ամիս վնասակար խոլեստերինի մակարդակը հասնում է գագաթնակետին:
Փետրվարը տեսողական խնդիրներ ունեցողների համար վտանգավոր ամիս է, բրիտանացի ակնաբույժները նկատել են, որ փետրվարին 40 տոկոսով ավելանում են եղջերաթաղանթի շերտազատումները:
Մարտին վարակը գլուխ է բարձրացնում հերպեսը: Վիրահատությունների համար տարվա 12 ամիսներից ամենաանվտանգը մարտն է:
Ապրիլին գլխացավերը շատ են լինում, նույն տենդենցը նկատվում է նաև սեպտեմբերին:
Մայիսին մեծանում է աղիքային բորբոքումների վտանգը. սա վիրահատությունից հրաժարվելու ամիս է: Ցրված սկլերոզով հիվանդներին բժիշկները խորհուրդ են տալիս զգոն լինել, որ կարողանան խուսափել կրկնաբուժումներից, դրանք այս ամսին անարդյունավետ են լինում:
Հունիսին արևն ավելի զորեղ է ու վիտամին D էլ շատ է արտադրում: Այս ամիսն ալերգիկների համար իսկական փորձություն է՝ բրոնխիալ ասթմա առաջանալու վտանգը մեծ է:
Հուլիսին շատանում են կույր աղիքի նոպաների ու ոտքերի խոցերի առաջացման դեպքերը: Գլուխ են բարձրացնում աղիքային վարակները:
Օգոստոսին տղամարդկանց մոտ ի հայտ են գալիս պրոստատիտի նախանշանները, իսկ եթե բժիշկը ախտորոշել է քաղցկեղ, ապա հիվանդությունը հաղթահարելու շանսերը հասնում են առավելագույնի:
Սեպտեմբերին վատանում է ասթմայով հիվանդների ինքնազգացողությունը: Հենց այս ամսին են գրանցվում ասթմայով հիվանդ երեխաների հոսպիտալացման ամենաշատ դեպքերը:
Հոկտեմբերը ստամոքսի խոցի ու հոդացավերի ամիսն է: Նոյեմբերին զարգանում են թոքային հիվանդություններն ու պսորիազը:
Նոյեմբերը դեպրեսիայի արտահայտման ամենավառ ամիսն է, հատկապես՝ հետծննդյան դեպրեսիայի:
Դեկտեմբերին բժիշկներն արձանագրում են մրսածության ու վիրուսային հիվանդությունների ու ժամանակից շուտ ծնունդների աճ:
