Լևոն Զուրաբյանին ապշեցրել են մարտական գործողությունների հետևանքով ոտքերը կորցրած զինվորի ոգին ու ժպիտը

«Մեր բանակը, մեր տղաները ռազմաճակատում կռվեցին հերոսաբար, վերցրեցին առաջին հարվածը հետ մղելու ամբողջ բեռն իրենց վրա` ցավոք տալով նաև զոհեր». սրանք ՀԱԿ խմբակցության ղեկավար Լևոն Զուրաբյանի խոսքերն են, որոնք նա արտահայտեց ԱԺ ճեպազրույցների ժամանակ` նշելով, որ ձեռնպահ կմնա այս օրերին քննադատություն հնչեցնել իշխանությունների հասցեին: «Ահավոր ծանր փորձություն էր մեզ համար Ադրբե ջանի կողմից ապրիլի մեկի գիշերը սանձազերծած ագրեսիան, որին ազգովի հետևում էինք: Մեր զինվորները հերոսաբար կռվեցին ու անմիջական վտանգը չեզոքացրին: Այս մի քանի օրերին մեր ազգը ցույց տվեց իր լավագույն որակները, նա ապահովեց անհրաժեշտ միասնակությունը, ոգին»,-«Արմենպրես»-ի փոխանցմամբ` ասաց նա:

Լևոն Զուրաբյանը լրագրողներին ասաց, որ խորապես տպավորված է վիրավոր զինվորներին իրենց այցելության մի դրվագից:«Զինվորներից մեկի համար, ում ոտքերը ամպուտացված էին, այդ տեղեկությունը որևէ կերպ համեմատելի չէր ոգու այն արտահայտության ու ժպիտի հետ, որ կար նրա դեմքին: Նա հասկանում էր, որ ինքը կատարել է իր պարտքը հայրենիքի առաջ ու դա իրեն հանգիստ ու երջանիկ էր դարձնում: Ինձ համար այդ օրերի ամենակարևոր խորհրդանիշներից մեկը հենց դա է, որ մեր զինվորներն առանց վախի, առանց տատանվելու գնացին ու կատարեցին իրենց պարտքը, շատերը կորցրեցին իրենց կ յանքը, շատերը` առողջությունը, բայց նրանք երջանիկ են, որ ամեն ինչ արեցին հայրենիքի համար: Ես դա համարում եմ մեծագույն որակ»,-շեշտեց Լևոն Զուրաբյանը:

Պատգամավորը զինվորներին մաղթեց առողջություն, լավ ծառայություն, բայց քաջություն և մարտական ոգի չմաղթեց ավելորդ անգամ` նշելով, որ նրանք ցույց են տվել, որ դրանք ունեն: «Նրանք պետք է վստահ լինեն, որ յուրաքանչյուր հայ ամեն ինչ կանի` աջակցելու, զորացնելու, սատարելու նրանց մինչև վերջ իրենց ծառայությունը կատարելու համար»,-ընդգծեց ՀԱԿ խմբակցության ղեկավարը:

Ապրիլի 1-ի լույս 2-ի գիշերը և առավոտյան Ադրբեջանը ղարաբաղա-ադրբեջանական հակամարտ զորքերի շփման գծի ողջ երկայնքով ձեռնարկել է լայնածավալ նախահարձակ գործողություններ, որոնց ընթացքում հրթիռահրետանային արկակոծման են ենթարկվել ոչ միայն հայկական զինուժի պաշտպանական դիրքերը, այլև խաղաղ բնակավայրերը: Ադրբեջանական զինուժի կողմից ապրիլի 2-ին Մարտունու ուղղությամբ ՄՄ-21 («Գրադ») կայանքից իրականացված հրթիռահրետակոծության հետևանքով սպանվել է 12-ամյա Վաղինակ Գրիգորյանը, ևս երկու երեխա վիրավորվել են:

Ավելի ուշ Ստեփանակերտի հիվանդանոց են տեղափոխվել ևս չորս վիրավոր քաղաքացիական անձինք: Իսկ ապրիլի 3-ին հայտնիդարձավ, որ Թալիշում նախօրեին ադրբեջանցիները գազանաբար գնդակահարել, խոշտանգել ու խեղել են երեք խաղաղբնակիչների: Հայկական կողմը 44 կորուստ ունի, 21 զինծառայող անհայտ կորած է, 122 մարդ` վիրավոր: Լեռնային ՂարաբաղիՊաշտպանության բանակի ժամանակին և արհեստավարժ գործողությունների շնորհիվ հնարավոր է եղել իրավիճակը վերցնելվերահսկողության տակ և զգալի կորուստներ պատճառել հակառակորդին. ապրիլի 1-5-ը տեղի ունեցած մարտականգործողությունների ընթացքում ադրբեջանական զինուժը տվել է ավելի քան 300 կորուստ (որոշ տեղեկություններով` զոհերի ուվիրավորների թիվը նշվում է 2000), ոչնչացվել է 24 տանկ, 3 հետևակի մարտական մեքենա, 1 ինժեներական տեխնիկա, 2ուղղաթիռ, 7 անօդաչու սարք, 1ՄՄ 21ռեակտիվ հրետանու մարտական մեքենա: Ապրիլի 5-ին՝ ժամը 12:00-ին, շփման գծումդադարեցվել է կրակը` Հայաստանի և Ադրբեջանի ԶՈՒ գլխավոր շտաբների պետերի` Մոսկվայում ձեռք բերածպայմանավորվածության համաձայն: