Դատարանի դահլիճ է բերվել Պերմյակովի զենքը` ԱԿ ինքնաձիգը

Գյումրու 102-րդ ռազմաբազայի տարածքում ապրիլի 8-ին շարունակվում է Ավետիսյանների ընտանիքի սպանության մեջ մեղադրվող ռուս զինծառայող Վալերի  Պերմյակովի գործով արտագնա դատական նիստը: «Արմենպրես»-ի թղթակցի հաղորդմամբ` այս նիստի ժամանակ մեկնարկեց գործով իրեղեն ապացույցների ներկայացնման փուլը: Դատարանը հերթականությամբ ծան ոթացավ գործով իրեղեն ապացույցներին, այդ թվում` տարածքում հայտնաբերված ԱԿ տեսակի ինքնաձիգին, փմփշտակալներին` որոնցից մեկը դատարկ, սվին-դանակին, Պերմյակովին պատկանող հագուստին և կոշիկներին, արյան նմուշներին, Պերմյակովի և Ավետիսյանների տանը հայտնաբերված բջջային հեռախոսներին, կրակած պարկուճներին, ինչպես նաև Ավետիսյանների տանից վերցված սպանված Ավետիսյանների հագուստներին և վերմակներին, ինչպես նաև կոտրտված ապակիներին:

Վերոնշյալ իրերը գենետիկական հետազոտության են ենթարկվել: Հագուստները պատկանել են Պերմյակովին, նրան է պատկանել նաև Ավետիսյանների տանը հայտնաբերված ականջակալներից մեկը: Հագուստի հետ հայտնաբերվել են նաև լինզաներ:

Իրեղեն ապացույցների հայտնաբերման փուլի ընթացքում ներկայացվեցին նաև Պերմյակովի հարցաքննման ժամանակ արված տեսաձայնագրությունները, սակայն ըստ գործող օրենքի այդ տեսաձայնագրությունները չեն հրապարակվի մինչև Պերմյակովի դատարանում հարցաքննվելու պահը:

Կան նաև Ավետիսյանների բնակարանի տեսաձայնագրությունները: Դատական նիստը շարունակվվում է:

Ավետիսյանների ընտանիքի 6 անդամների սպանությունը տեղի է ունեցել 2015 թվականի հունվարի 12-ին՝ վաղ առավոտյան,ժամը 06:00-ի սահմաններում, նրանց մահը վրա է հասել հրազենային վնասվածքներից։ Ավետիսյանների ընտանիքից ողջ էրմնացել 6 ամսական փոքրիկը՝ Սերյոժա Արմենի Ավետիսյանը, ով կտրող-ծակող< /i> գործիքից ստացած վնասվածքներովտեղափոխվել էր բժշկական կենտրոն, այնուհետև` յոթ օր հետո մահացել: Կասկածյալին ռուս սահմանապահները հայտնաբերել ենհայ-թուրքական սահմանը հատելու փորձ կատարելիս եւ հանձնել 102-րդ ռուսական բազայի հրամանատարությանը:

Քրեական գործը հարուցվել է ՀՀ քրեական օրենսգրքի 104-րդ հոդվածի 2-րդ մասի 1-ին կետով (երկու և ավելի անձանցսպանությունը): Վալերի Պերմյակովին քրեական գործով որպես մեղադրյալ ներգրավելու մասին, և ՀՀ քննչական կոմիտեիքննիչները Վալերի Պերմյակովին  մեղադրանք են առաջադրել Հայաստանի Հանրապետության քրեական օրենսգրքի 104-րդհոդվածի 2-րդ մասի 1-ին կետով՝ երկու եւ ավելի անձանց դիտավորյալ սպանության համար: Վալերի Պերմյակովն ընդունել էառաջադրված մեղադրանքը: Ռուսական կողմում հարուցված քրեական գործով Պերմյակովը դասալքության եւ զենքի ապօրինի կրման համար օգոստոսի 12-ին դատապարտվել է 10 տարվա ազատազրկման: