Գինեկոլոգները հարբած են եղել՝ կեսարյան անելիս․ ծննդկանը մահացել է (լուսանկարներ)

Զաբայկալեի բնակչուհի Ելենա Պոդդուբեցկայայի ամուսինը նրան արագ հիվանդանոց է տեղափոխել, երբ ծննդաբերության ժամանակը եկել է։ Կինը խնդիրներ ունեն հղիության ընթացքում, 9 ամիս պառկած է եղել, եւ բժիշկներն ակնկալում էին, որ ծննդաբերությունը բարդություններով է անցնելու։

Այդպես էլ եղավ։

Կնոջ ամուսինը նրան հասցրեց հիվանդանոց, սակայն բժիշկները չէին շտապում զբաղվել նրանով՝ ինչ-որ խնջույք էին նշում։ Ի վերջո նրանք անցել են կեսարյան հատման, սակայն՝ հարբած վիճակում։ «Գինեկոլոգները հարբած էին, երբ վիրահատությունն ընթանում էր»,- պատմել է Ելենայի սկեսուրը։ Վիրահատության ընթացքում կնոջը արյուն է պետք եկել, սակայն բժիշկը հայտարարել է, որ իրենք տվյալ խմբի արյուն չունեն։

Կնոջ ամուսինը՝ Եվգենին, սկսել է ինքնուրույն դոնոր փնտրել, ընկերներին է հարցրել, ի վերջո գտել է համապատասխան մեկի։ Դոնորից արյուն են վերցրել, սակայն պարզվել է՝ դա քիչ էր։ Հետո ամուսինը եւս մեկ դոնորի է գտել, հիմա էլ արյուն լցնելու համար հարմարանքներ չեն ունեցել հիվանդանոցում։ Ստիպված դրանք ուրիշ հիվանդանոցից են բերել։ Այդ ամենի արդյունքում ժամեր են անցել․․․

Առավոտյան Եվգենիին ասել են, որ Ելենայի սիրտը կանգնել է, նա կոմայի մեջ է։ Շուտով կինը մահացել է, նրա փոքրիկին հրաշքով են փրկել, այժմ նորածին աղջնակը հիվանդանոցում է։ Այժմ ոստիկանները տեղում քննություն են սկսել՝ պարզելու համար դեպքի մանրամասները։

Պատրաստեց՝ Past.am-ը