Բաց նամակ Սերժ Թանկյանին
ԲԼՈԳԱրմեն Մկրտչյանը Ֆեյսբուքյան իր էջում գրում է.
Հարգելի Սերժ
Վստահ եմ, որ գիտեք, թե ապրիլի 1ից սկսած ինչ է կատարվում հայրենի Արցախում: Վստահ եմ նաև, որ Ձեր տեսակը Ձեզ թույլ չի տալիս հանգիստ նստել ու ինչ որ կերպ այս ազգային համախմբման ֆոնին չդրսևորվել:Թե Հայաստանում, թե Հայաստանից դուրս Դուք ու Ձեր թիմը մասնավորապես երիտասարդության հպարտության, եռանդի աղբյուրներից եք մշակութային առումով: Թվում էր թե Ձեր գործոնը միայն արվեստով է սահմանափակվում, սակայն նախորդ տարի Երևանում կազմակերպված համերգը դարձավ նաև քաղաքացիական զարթոնքի աղբյուր, ինչի արդյունքը երկու ամիս անց տեսանք Բաղրամյան պողոտայի ցույցերին: Ես նոր եմ վերադարձել Արցախից, ու ունեմ ներքին համոզմունք, որ այս օրերին Ձեր այնտեղ լինելու, ու թեկուզ փոքր մաշտաբի համերգ տալը կնպաստի մեր սերնդի ավելի հավատով ու նվիրվածությամբ հայրենիքին պիտանի լինելու զգացմանը: Եթե դուք դիմեք, Ձեզ ոչ ոք չի կարող մերժել, իսկ Հայոց Փառապանծ բանակը կապահովի թե համերգի, թե Ձեր անվտանգությունը:
Հուսամ նամակս անպատասխան չի մնա:
Խորին հարգանքներով Արմեն Մկրտչյան