Արարատի մարզից հայ զինվորներին օգնության տրամադրումը շարունակվում է

Արցախում ծառայող զինվորների ու կամավորների համար Արարատի մարզկենտրոն Արտաշատում ապրիլի 9-ին կազմակերպված հերթական օգնությունն առավել լայնածավալ էր ու ներկայացուցչական: Քաղաքի մշակույթի կենտրոնի շենքը վեր էր արծվել սննդամթերքի, հագուստի ու առաջին անհրաժեշտության պարագաների անծայրածիր հրÕ �պարակի: Օգնությանը մասնակցում էին մարզի 97 համայնքները, 112 դպրոցները, անհատ ձեռներեցները, մարզում հայտնի հզոր արտադրողները, քաղաքացիները, որոնք հրապարակ էին բերել անհամար պահածոներ, հազարավոր գյուլապներ, սպիտակեղեն, անձեռոցիկներ, ծխախոտ սուրճ, թեյ, հիգիենիկ պարագաներ, եւ այլն: Բեռնափոխադրումը, որ իրականացվում էր սառնարան-մեքենաներով` ղեկավարում էին մարզային կառույցի ղեկավարները:

Դպրոցականներն այս անգամ եւս չէին մոռացել իրենց մաղթանքները, նամակներն ու ոգեւորիչ խոսքերն ուղղել սահմանին կանգնած գրեթե իրենց հասակակից զինվորներին:

«Արմենպրես»-ի թղթակցի հետ զրույցում մի քանի քաղաքացիներ նշեցին, որ սա ամենաքիչն է, որ իրենք կարող են անել մեր թիկունքը պահող երիտասարդների համար: «Նրանք գրեթե մեր տարեկիցներն են, ովքեր վերջին օրերին այնպիսի ժամեր, օրեր ու պահեր են ապրել, որ պատկերացնելն անգամ սարսափելի է: Նրանցից շատերն էլ իրենց մատաղ կյանքը զոհաբերեցին, որպեսզի մեր լուսաբացները խաղաղ լինեն: Խոնարհվում եմ նրանցից յուրաքանչյուրի շիրիմի առջեւ, Աստված ողորմի: Շատ եմ ափսոսում, որ եղան նաեւ մարդկային կորուստներ…»,-նշեց ավարտակն դասարանում սովորող աղջիկներից մեկը:

Սեփական օգնությունն Արցախ հասցնելուց բացի մարզի մի քանի գյուղապետներ կայցելեց նաեւ սահմանամերձ գոտի`տեղում իրենց հարգանքն ու խոնարհումն արտահայտելով զինվորներին:

Հերթական մեքենաների ուղեւորումից հետո կշարունակվի հավաքվել պարենամթերքի եւ առաջին անհրաժեշտության իրերի հաջորդ չափաբաժինը: