15 աստղեր, ովքեր բռնվել են գողություն անելիս

Հոլիվուդյան շատ աստղեր մինչև իրենց կարիերան սկսելը, իսկ ոմանք արդեն հայտնի լինելուց հետո բռնվել են գողություն անելիս: bugaga.ru կայքը ներկայացնում է 15 աստղերի, որոնք հայտնվել են նմանատիպ իրավիճակում:

Մեգան Ֆոքս

Ըստ որոշ խոսակցությունների՝ Մեգանին արգելված է մտնել ԱՄՆ Ֆլորիդա նահանգի Wal-Mart խանութ, քանի որ պատանի հասակում նա այնտեղից գողացել է 7 դոլար արժողությամբ շրթներկ: Դերասանուհու մանկության ընկերներից մեկը պատմել է, որ Մեգանը հաճախ էր գողանում այնպիսի բաներ, ինչպես, ասենք, կոնֆետները: Սակայն ինչպես երևում է, հիմա դերասանուհին հրաժարվել է իր այդ սովորությունից:

Քեշա

Մինչ հայտնի փոփ աստղ դառնալը Քեշան շատ դժվարությամբ է հոգացել իր ապրուստը և նույնիսկ ստիպված է եղել գողություն անել մթերային խանութներից:

Վայնոնա Ռայդեր

2001 թ. դերասանուհին բռնվել է Բևերլի Հիլզի Saks Fifth Avenue սուպերմարկետից գողություն անելիս: Վայնոնան խանութից փորձել էր գողանալ 5000 դոլար արժողությամբ հագուստ և աքսեսուարներ: Դերասանուհին այդ բանից հետո ձերբակալվել էր, իսկ դատական լսումներին պարզվել է, որ Վայնոնան այդ ընթացքում թմրանյութ է օգտագործելիս եղել:

Օ. Ջեյ Սիմփսոն

Սպորտսմեն Օ. Ջեյ Սիմփսոնը բռնվել է սպորտային իրեր գողանալիս:

Ամանդա Բայնս

Դերասանուհի Ամանդա Բայնսին արգելվում է մուտք գործել մի շարք հայտնի խանութներ: Դրանցից վերջինը Նյու Յորքում գտնվող Barney’s խանութների ցանցն է: Այս տարվա հոկտեմբերին Ամանդան այնտեղից փորձել է գողանալ 200 դոլար արժողությամբ գլխարկ:

Բրիթնի Սփիրս

Այս երգչուհին նույնպես սիրում է խանութներից իրեր վերցնել՝ առանց դրանց համար վճարելու: 2008 թ. Բրիթնին փորձել էր Fred Segal խանութից գողանալ 200 դոլար արժողությամբ վերնաշապիկ, իսկ դրանից մեկ տարի առաջ նա բռնվել է մեկանգամյա օգտագործման կրակայրիչ գողանալիս: Նրան նույնիսկ մեղադրել են կեղծամ գողանալու փորձ կատարելու մեջ:

Լինդսի Լոհան

Այս դերասանուհին ավելի հայտնի է իրավապահ մարմիների հետ ունեցած բախումներից, քան իր դերասանական վարպետությամբ: Մի անգամ Լոհանին դատապարտել են 120 օրվա ազատազրկման՝ 2500 դոլար արժողությամբ վզնոց գողանալու փորձ կատարելու համար:

Քորթնի Լավ

Պատանի ժամանակ Լավը գողացել է Kiss խմբի տարբերանշանով շապիկ, ինչի համար ստիպված է եղել որոշ ժամանակ անցկացնել Hillcrest Youth Correctional facility երիտասարդների համար նախատեսված ուղղիչ հաստատությունում:
Սակայն ինչպես երևում է, վատ սովորությունը պահպանվել է նաև աստղ դառնալուց հետո: Լավին դատի են տվել այն բանի համար, որ նա չի վերադարձրել բարեգործական միջոցառմանը կրելու համար վերցրած՝ 100 000 դոլար արժողությամբ ոսկերչական իրերը:

Բրուք Բյորք

Դերասանուհի Բրուք Բյորքին և նրա ամուսնուն՝ «Մալիբուի փրկարաները» սերալի աստղ Դևիդ Չարվետային մեղադրում էին 70 000 դոլար արժողությամբ գողացված տեխնիկա գնելու մեջ:

Ջենիֆեր Քափրիաթի

Թենիսիստուհուն մեղադրում էին ԱՄՆ Ֆլորիդա նահանգի խանութներից մեկից 15 դոլար արժողությամբ մատանի գողանալու մեջ:

Բայ Լին

Դերասանուհին կատարել է մի անհեթեթ գողություն: Իր չվերթին Լոս Անջելեսի միջազգային օդանավակայանում սպասելիս Լինը գողացել է երկու ամսագիր և մարտկոցների երկու տուփ:

Ռեքս Ռիդ

Կինոքննադատ Ռեքս Ռիդը Մանհեթենի Tower Records խանութից գողացել է մի քանի CD-ներ:

Սթեֆանի Փրեթ

Ռեալիթի շոուների աստղ Սթեֆանի Փրեթը Հավայների Neiman Marcus խանութից գողացել է 1300 դոլարի հագուստ և աքսեսուարներ, այն ժամանակ, երբ նա աշխատում էր որպես «Կորուսյալները» հեռուստասերիալի ռեժիսորի օգնական:

Շելի Մորիսոն

«Ուիլ և Գրեյս» հեռուստասերիալի աստղ Շելի Մորիսոնին ձերբակալել են 446 դոլար արժողությամբ դիզայներական բիժուտերիա գողանալու համար:

Ֆերի Ֆոսթեր

«Չարլիի հրեշտակները» ֆիլմի աստղ Ֆերի Ֆոսթերն իր կարիերայի գագաթնակետին ձեռբակալվել է էլիտար խանութից հագուստ գողանալու համար: Նշենք, որ դերասանուհին մեկ անգամ չէ, որ հայտնվել է նման տհաճ իրավիճակում: