Չինաստանին բաժին Է ընկնում աշխարհի արդյունաբերական ռոբոտների 25 տոկոսը

Չինաստանին բաժին Է ընկնում արդյունաբերական ռոբոտների համաշխարհային ծավալի մոտավորապես քառորդ մասը: Այդ մասին երկրի արդյունաբերության եւ ինֆորմատիզացիայի փոխնախարար Խուայ Ցզինպենը հայտարարել Է Էլեկտրոնային-տեղեկատվական տեխնոլոգիաների չորրորդ չինական տոնավաճառում:

Նրա խոսքով՝ ՉԺՀ-ն ոչ միայն հզոր տեխնոլոգիաներ եւ ինտելեկտուալ պաշարներ ունի ռոբոտաշինության բնագավառում, այլեւ շուկայական լայն հեռանկարներ:

Ռոբոտաշինության ճյուղի զարգացման 13-րդ հնգամյակի (2016-2020 թվականներ) ծրագրի համաձայն՝ մինչեւ այդ ժամանակաշրջանի վերջը ռոբոտների վաճառքի տարեկան ծավալը երկրում կհասնի 150 հազար հատի, նշում Է «Սինհուա» գործակալությունը: Դրանց ընդհանուր թվաքանակը երկրում անցյալ տարվա համեմատությամբ կավելանա 400 հազարով եւ կկազմի 800 հազար: Մինչեւ 2025 թվականն այդ երկու ցուցանիշները, ինչպես սպասվում Է, կավելանան համապատասխանաբար մինչեւ 260 հազար եւ 1,8 միլիոն:

Ըստ կանխատեսումների՝ մինչեւ 13-րդ հնգամյակի վերջը Չինաստանի ռոբոտաշինության արդյունաբերության արտադրանքի արժեքը կգերազանցի 100 մլրդ յուանը:

Ծրագրում նշվում Է, որ բնակչության կենսամակարդակի բարձրացման համեմատ ռոբոտատեխնիկան լայն կիրառում կգտնի առողջապահության բնագավառում, տեղեկատվության եւ այլ ծառայությունների ոլորտներում, ինչպես նաեւ կենցաղում, հաղորդել Է «Ինտերֆաքս»-ը: