Գեղարքունիքի մարզում հայտարարվել է սանմաքրման եւ կանաչապատման միամսյակ

 Գեղարքունիքի մարզի խորհրդի այս տարվա առաջին  նիստում քննարկված չորս հարցերից մեկը նվիրված էր մարզի համայնքներում իրականացվելիք սանմաքրման եւ ծառատնկման ու կանաչապատման աշխատանքներին:

«Արմենպրես»-ի տեղեկացմամբ՝օրակարգային առաջին հարցի՝ մարզի համայնքների տեղական բյուջեների սեփական եկամուտների հավաքագրման առաջին եռամսյակի ցուցանիշների մասին զեկուցեց Գեղարքունիքիմարզպետարանի աշխատակազմի ֆինանսական եւ սոցիալ-տնտեսականզարգացման վարչության պետ Յուրա Մուշեղյանը: Ըստ զեկուցողի՝ 2016 թվականի առաջին եռամսյակի դրությամբ մարզում տեղական բյուջեների ս եփական եկամուտների հավաքագրման միջին ցուցանիշը կազմել է 83,4 տոկոս:»19 համայնքներ առաջին եռամսյակի դրությամբ սեփական եկամուտները հավաքագրել են 154 տոկոս միջին ցուցանիշով, որոնցից 8-ը հավաքագրել են կիսամյակի կտրվածքով նախատեսված միջոցները, մինչդեռ մնացած  համայնքների միջին կատարողականը կազմել է 61,3 տոկոս:»Այդ ցածր կատարողականների արդյունքում նվազել է նաեւ մարզի ընդհանուր ցուցանիշը: Անհնար է հասկանալ, թե ինչու նույն պայմաններն ունեցող եւ իրար հարեւանությամբ գտնվող համայնքներից մեկում միջոցները հավաքագրվում են 150 եւ ավելի, մյուսում՝ 20-30 տոկոսով»,-նշեց վարչության պետը:

Օրակարգային երկրորդ հարցի՝գարնան  գյուղատնտեսական աշխատանքների ընթացքի մասին զեկուցեց Գեղարքունիքի մարզպետարանի աշխատակազմի գյուղատնտեսության եւ բնապահպանության վարչության պետՀամբարձում Համբարձումյանը: Նա նշեց, որ մարզում առկա 20 հազար 700 հեկտար աշնանացանի կողքին այս գարնանը նախատեսվում է կատարել եւս 58 հազար հեկտար ցանք, ինչի արդյունքում մարզում ցանքի տակ գտնվող վարելահողերը կկազմեն ընդհանուր վարելահողերի 96, 2 տոկոսը: «Գյուղտեխնիկան բավարար, կազմ ու պատրաստ է՝ գարնանացանը ժամանակին ու ամբողջությամբ ավարտելու համար, իսկ կառավարության օժանդակությամբ հատկացված սերմացուն, դիզվառելիքը եւ պարարտանյութերը գտնվում են բաշխման փուլերում»,-հավաստեց Համբարձում Համբարձումյանը:

Օրակարգային երրորդ հարցի՝ մարզի 4 համայնքներում այս տարի իրականացված վարչական վերահսկողության արդյունքների մասին զեկուցեց մարզպետարանիաշխատակազմի տեղական ինքնակառավարման եւ հանրապետական գործադիր մարմինների տարածքային ծառայությունների համակարգմանվարչության պետ Իվան Ասատրյանը: Նա նշեց, որ վարչական վերահսկողություն է իրականացվել Գեղամաբակ, Դպրաբակ, Ջիլ եւ Դրախտիկ համայնքներում, հայտնաբերված բացթողումները վերացնելու համար մարզպետի կողմից տրվել են համապատասխան հանձնարարականներ: Ըստ զեկուցողի՝ այս տարի մարզպետարանի աշխատակազմի կողմից կազմված ժամանակացույցով ծրագրվել է վարչական վերահսկողություն իրականացնել մարզի 30 համայնքներում:

Օրակարգային չորրորդ՝ մարզի համայքներում իրականացվելիք սանմաքրման եւ կանաչապատման միջոցառումների մասին զեկուցեց Գեղարքունիքիմարզպետարանի աշխատակազմի քաղաքաշինության վարչության պետ Դերենիկ Հովհաննիսյանը: Նա նշեց, որ մարզպետի համապատասխան կարգադրությամբ այս տարվա ապրիլի 20-ից մինչեւ մայիսի 20-ն ընկած ժամանակահատվածում հայտարարվել է սանիտարական մաքրման եւ կանաչապատման միամսյակ: «Հարկավոր է կենցաղային աղբից ամբողջությամբ մաքրել ինչպես ներհամայնքային, այնպես էլ համաÕ �նքներին սահմանակից միջպետական, հանրապետական կամ մարզային նշանակության ճանապարհաեզրերին կամ անտառապատ տարածքներում, հեղեղատարներում, հուշարձանների տարածքներում  կուտակված աղբի թափոնները եւ դրանք տեղափոխել մոտակա գործող աղբավայրեր: Առանձնակի ուշադրություն պետք է դարձվի նաեւ ծառատնկման եւ կանաչապատման աշխատաքներին»,-նշեց Դերենիկ Հովհաննիսյանը:

Ամփոփելով նիստի աշխատանքները՝ մարզպետ Ռաֆիկ Գրիգորյանը մարզխորհրդի անդամներին ցուցում տվեց գարնանացանի աշխատանքներում հնարավոր բոլոր միջոցներով աջակցել մարզի զինծառայողների եւ Արցախ մեկնած կամավորների  ընտանիքներին, իսկ առանձնահատուկ նյութական օգնություն տրամադրել Գեղարքունիքից ադրբեջանական վերջին ագրեսիային զոհ գնացած 5 զինծառայողների ընտանիքներին, ամեն կերպ թեթեւացնել նրանց հոգսերը: «Ցանքի տակ սպասվող վարելահողերի քանակական ցուցանիշը տպավորիչ է, սակայն դրա համար հարկավոր է աշխատել քրտնաջան: Բնակավայրերի, դրանցի ց դուրս գտնվող ճանապարհների եզրերի, անտառապատ տարածքների ու հեղեղատարների մաքրման, ծառատնկման ու կանաչապատման աշխատանքների կազմակերպման համար հարկավոր է համագործակցել «Սեւան ազգային պարկ»-ի եւ ճանապարհները սպասարկող կազմակերպությունների հետ: Առանձնակի ուշադրություն պետք է դարձնել նաեւ տեղական բյուջեների սեփական եկամուտների կատարմանը՝ նախորդ տարեվերջին ձեռք բերված ցուցանիշներից չնահանջելու համար: Ուում եմ շեշտել նաեւ, որ Արցախի վրա ձեռնարկած ադրբեջանական ագրեսիայի օրերին մեր բոլոր համայնքների բնակչությունն ու ղեկավարնե րը թե անձնապես, թե նյութապես կանգնել ու կանգնած են հայրենիքի պաշտպանության դիրքերում: Այդ նվիրումն առաջիկայում կարժանանա խրախուսանքի ինչպես մարզի, այնպես էլ հանրապետության ղեկավարության կողմից»,-եզրափակեց Ռաֆիկ Գրիգորյանը:

Խոսրով Խլղաթյան