Լուսինե Սահակյանի մոտ ոչ մի կասկած չկա, որ Պերմյակովն է ոճրագործության հեղինակը

Գյումրիում սպանված Ավետիսյանների ընտանիքի իրավահաջորդների շահերի պաշտպան Լուսինե Սահակյանը գործով մեղադրյալ Վալերի Պերմյակովի ցուցմունքներում հակասություններ է տեսնում: 

«Եթե որպեսկասկածյալ առաջին ցուցմունքում նշում է, որ մտել է Ավետիսյանների տուն ջուր խմելու, ապա որպես մեղադրյալ իրառաջին ցուցմունքում նշել է, որ մտել է տուն հագուստիհամար: Ի դեպ երկու ցուցմունքներն էլ ռուսական կողմիհարցաքննությունների արդյունքներն են: Սակայն այսցուցմունքների տարբերությունն էական չի համարվում,քանի որ նա զորմասը լքել է զենքով` հագուստ և գու մարհայթայթելու նպատակով»,-«Արմենպրես»-ի հետ զրույցում նշեց փաստաբան Լուսինե Սահակյանը:

Ցուցմունքներում տարբերություններ շատ կան, օրինակ` այն, որ նա Ավետիսյանների տանից դուրս գալուց հետո սնունդ է պատվիրել, բայց վերջնին հաշվով պարզվել է, որ հեռախոսներով նման զանգ ու պատվեր չի եղել: «Հիմնականում բոլոր ցուցմունքներում կարմիր թելի պես գնում է, որ նա լքել է ռազմաբազան զենքով, մտել է Ավետիսյանների տուն ու կրակել, ու երբ առաջին անգամ կրակել է, շարունակել է կրակել, չի կարողացել կանգ առնել: Նույնիսկ ցուցմունքներից մեկում նշել է, որ երեխային կրակել է, քանի որ չի կարողացել կանգ առնել` ինքնաբերաբար: Բոլոր ցուցմունքներում նա նշեÕ ¬ է, որ այլ նպատակ, քան հագուստ ձեռք բերելը և գումար հայթայթելը, չի եղել: Սա խոսում է նաև նրա անհավասարակշիռ վիճակի մասին»,-նշեց Սահակյանը` հավելելով, որ հարցաքննությունների ժամանակ արված տեսաձայնագրություններն անչափ կարևոր են դատարանի համար, քանի որ տալիս են Պերմյակովի մասին իրական պատկերացում:

Պերմյակովը ցուցմունքներում անցյալը նկարագրելիս բազում անգամ նշել է, որ իր ընկերները հանցագործներ են` հիմնականում նախկինում դատվածություն ունեցող: Նշել է նաև, որ նախկինում ինքն էլ է կրակել: Ցուցմունքներից, ըստ փաստաբանի, երևում է, որ ունի կայացման խնդիր, թեև ողջ ընթացքում նշում է, որ հանցագործությունը կատարել է ինքը:

«Պերմյակովը ցուցմունքներ է տվել ինչպես ռուս, այնպես էլ հայ քննիչներին, կատարվել է փորձաքննություն: Համադրելով ամբողջը ոչ մի հարց ու կասկած չի մնում, որ նա է կատարել հանգացործությունն ու թող ոչ մեկի մոտ կասկած չլինի, որ մեղադրվում է անմեղ մարդ: Այն, որ Պերմյակովն է հանցագործություն կատարողը, ոչ մի կասկած չի թողնում»,-նշեց Լուսինե Սահակյանը:

Ավետիսյանների ընտանիքի 6 անդամների սպանությունը տեղի է ունեցել 2015 թվականի հունվարի 12-ին՝ վաղ առավոտյան, ժամը 06:00-ի սահմաններում, նրանց մահը վրա է հասել հրազենային վնասվածքներից։ Ավետիսյանների ընտանիքից ողջ էր մնացել 6 ամսական փոքրիկը՝ Սերյոժա Արմենի Ավետիսյանը, ով         կտրող-ծակող  գործիքից ստացած վնասվածքներով տեղափոխվել էր բժշկական կենտրոն, այնուհետև` յոթ օր հետո մահացել: Կասկածյալին ռուս սահմանապահները հայտնաբերել են հայ-թուրքական սահմանը հատելու փորձ կատարելիս եւ հանձնել 102-րդ ռուսական բազայի հրամանատարությանը:

Քրեական գործը հարուցվել է ՀՀ քրեական օրենսգրքի 104-րդ հոդվածի 2-րդ մասի 1-ին կետով (երկու և ավելի անձանց սպանությունը): Վալերի Պերմյակովին քրեական գործով որպես մեղադրյալ ներգրավելու մասին, և ՀՀ քննչական կոմիտեի քննիչները Վալերի Պերմյակովին  մեղադրանք են առաջադրել Հայաստանի Հանրապետության քրեական օրենսգրքի 104-րդ հոդվածի 2-րդ մասի 1-ին կետով՝ երկու եւ ավելի անձանց դիտավորյալ սպանության համար: ՎալերիՊերմյակովն ընդունել է առաջադրված մեղադրանքը: Ռուսական կողմում հարուցված քրեական գործով Պերմյակովը դասալքության եւ զենքի ապօրինի կրման համար օգոստոսի 12-ին դատապարտվել է 10 տարվա ազատազրկման: